Քիչ անց Երևանի Վազգեն Սարգսյանի անվան «Հանրապետական» մարզադաշտում կմեկնարկի Հայաստանի և Կիպրոսի ազգային հավաքականների ֆուտբոլային հանդիպումը։ Հանդիպումից առա…
Դուբլինում Փաշինյանը հանդիպել է Վրաստանի վարչապետ Իրակլի Կոբախիձեի հետ
Դուբլինում գտնվող՝ Հայաստանի վարչապետ Նիկոլ Փաշինյանը հանդիպել է Վրաստանի վարչապետ Իրակլի Կոբախիձեի հետ:
Զրուցակիցները քննարկել են Հայաստան-Վրաստան հարաբերությունների օրակարգային հարցեր: Կարևորվել են երկկողմ ինտենսիվ քննարկումները՝ փոխշահավետ համագործակցության շարունակական զարգացման նպատակով:
Մտքեր են փոխանակվել նաև տարածաշրջանային նշանակության այլ թեմաների շուրջ:
Նշենք, որ Դուբլինում գտնվող Նիկոլ Փաշինյանը կարճատև զրույց է ունեցել Ֆրանսիայի նախագահ Էմանուել Մակրոնի և Լիտվայի նախագահ Գիտանաս Նաուսեդայի հետ։
Կալանքի պայմաններում անձի ցանկացած առողջական խնդրի թիվ մեկ մեղավորն իշխանությունն է․ Արամ Վարդևանյան
Հայաստանում քաղաքական իշխանությունն ամեն գնով պահանջում է կալանքի կիրառում՝ չնայած ինտենսիվ այլ խափանման միջոցների առկայությանը, գրում է ԱԺ փոխնախագահ Արամ Վարդևանյանը։
։«Միջազգային փորձում նման երկրորդ դեպք չեք գտնի, քանի որ իշխանությունը պարտավոր է պաշտպանել ազատության կանխավարկածը, իսկ կալանքը ծայրահեղ միջոց է։
Կալանքի պայմաններում անձի ցանկացած առողջական խնդրի թիվ մեկ մեղավորն ու պատասխանատուն իշխանությունն է»,– հավելել է նա։
20 օր է մնացել․ ՀՀ-ն չի զիջում, ՌԴ-ն չի համակերպվում, Փաշինյան-Պուտին հանդիպում հավանաբար չի լինելու
Իրանը սպառնացել է ԱՄՆ-ի հարվածին տասնապատիկ ավելի հզոր հարվածով պատասխանել
Իրանը ԱՄՆ-ի ցանկացած հարձակման կպատասխանի տասնապատիկ ավելի հզոր հարվածով։ Դրա մասին հայտարարել է Իրանի զինված ուժերի պաշտոնական ներկայացուցիչ, բրիգադային գեներալ Աբոլֆազլ Շեքարչին, երբ ԱՄՆ նախագահ Դոնալդ Թրամփը սպառնացել է նախորդ հարձակումներից հնգապատիկ ավելի հզոր հարված հասցնել, հայտնում է Mehr-ը։
Շեքարչին ընդգծել է, որ Իրանը չի վախենում ամերիկյան սպառնալիքներից, իսկ նրա զինված ուժերը զգալիորեն ավելի լավ են պատրաստված և զինված՝ համեմատած մինչև 2025 թվականի հունիսի 13-ն ընկած ժամանակահատվածի հետ, երբ սկսվեց Իրանին պարտադրված երկրորդ պատերազմը։
Գեներալն ընդգծել է, որ եթե հակառակորդը կրկին փորձի հարձակվել երկրի վրա, իրանական ուժերը առավելագույն ուժգնությամբ հարվածներ կհասցնեն հակառակորդի նյութական և ոչ նյութական ակտիվներին, որոնք ընդգրկված են հնարավոր թիրախների ցանկում։
Շեքարչին միաժամանակ նշել է պարտադրված երկրորդ և երրորդ պատերազմների իրադարձությունները ներկա և ապագա սերունդների համար փաստագրելու կարևորությունը։ Նա նշել է, որ համապատասխան հիմնադրամն օգտագործում է իրանա-իրաքյան ութամյա պատերազմի փորձը, ներառյալ՝ դրանից քաղված դասերն ու բացահայտված թերությունները։ Նյութերի հավաքման և պահպանման աշխատանքներին մասնակցում են զինված ուժերն ու պետական կառույցները։
Մոսկվայում Թրամփի բանակցողներին Ռուսաստանի հավաքականի խորհրդանշաններով կապույտ բաճկոններ են նվիրել
Ամերիկացի բանակցողներ Սթիվ Ուիթքոֆն ու Ջարեդ Քուշները Մոսկվա ժամանելուց հետո Ռուսաստանի հավաքականի խորհրդանշաններով կապույտ բաճկոններ են նվեր ստացել, հայտնում է ТАСС-ը՝ հղում անելով իր աղբյուրին։
Ըստ գործակալության զրուցակցի՝ ԱՄՆ երկու ներկայացուցիչներին նվիրել են Bosco ապրանքանիշի «Ոսկե ժառանգություն» հավաքածուի փքաբաճկոններ։ Ուիթքոֆն ուշադրություն է դարձրել Ռուսաստանի հավաքականի բաճկոնին, որը կրում էր իրենց դիմավորած՝ Ռուսաստանի ուղղակի ներդրումների հիմնադրամի (ՌՈՒՆՀ) ղեկավար, օտարերկրյա պետությունների հետ ներդրումային և տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը։
Ռուսաստանի նախագահ Վլադիմիր Պուտինի հանդիպումն Ուիթքոֆի և Քուշների հետ սկսվել է Մոսկվայի ժամանակով 15:05-ի սահմաններում և տևել ավելի քան երկու ժամ։
Ամերիկացի բանակցողները Մոսկվա են ժամանել Աբու Դաբիից, որտեղ նոյեմբերի 10–11-ին Ռուսաստանի, ԱՄՆ-ի և Ուկրաինայի ներկայացուցիչների մասնակցությամբ եռակողմ բանակցություններ են անցկացվել Ուկրաինայի հարցով։
«Հիմա ի՞նչ եք տարածելու, երբ դեպքի ականատեսը պարզ գրել է ամենը». Քրիստինա Վարդանյան (լուսանկար)
Ֆրանսիան պաշտպանության ոլորտում արհեստական բանականության զարգացման միջազգային կենտրոն կստեղծի
Ֆրանսիայի զինված ուժերի նախարարությունը հայտարարել է միջազգային կենտրոն ստեղծելու ծրագրերի մասին, որը կնպաստի պաշտպանության ոլորտում արհեստական բանականության ներդրմանը։ Կենտրոնի բացումը նախատեսված է 2027 թվականի ամռանը, հաղորդում է Reuters-ը։
Ինչպես հինգշաբթի ճեպազրույցի ժամանակ հայտնել է նախարարության ներկայացուցիչը, Փարիզն ակնկալում է, որ ՆԱՏՕ-ն կճանաչի նոր կառույցը։ Հաջորդ շաբաթ Ֆրանսիայի իշխանությունները այլ երկրների ներկայացուցիչների մասնակցությամբ համաժողով կանցկացնեն՝ ներկայացնելու կենտրոնի ստեղծման ծրագրերը։
Արհեստական բանականությունը մարտական գործողությունների վարման կարևոր գործիք է դարձել 2022 թվականին Ուկրաինայում պատերազմի սկսվելուց հետո։ Նման տեխնոլոգիաները հնարաբվորություն են տալիս արագացնել մարտադաշտում որոշումների ընդունումը՝ անօդաչու թռչող սարքերից, արբանյակներից և այլ սենսորային համակարգերից ստացվող մեծ ծավալի տվյալների մշակման ու վերլուծության շնորհիվ։
Միևնույն ժամանակ, Եվրոպան շարունակում է կախված մնալ արհեստական բանականություն կիրառող ռազմական ծրագրային ապահովման ամերիկյան մշակողներից։ Մասնավորապես, եվրոպական զինված ուժերն օգտագործում են ամերիկյան Palantir ընկերության լուծումները։
Միջազգային կենտրոնի ստեղծումը պետք է օգնի Եվրոպային ամրապնդել ռազմական տեխնոլոգիաների ոլորտում սեփական կարողությունները և նվազեցնել կախվածությունն ԱՄՆ-ից։ Միաժամանակ, նախագծի ֆինանսավորումն ու մասնակից երկրների կազմը դեռ որոշված չեն։
Սթիվ Ուիթքոֆին և Ջարեդ Քուշներին տեղափոխող ինքնաթիռը թռել է Մոսկվայից
Զանգվածային ծեծկռտուք «Ադանա» ռեստորանի մոտ` հայհոյանք հնչեցնելու հարցի շուրջ
Նոյեմբերի 1-ին խուլիգանության դեպք է տեղի ունեցել Արարատի մարզում։ Օպերատիվ տեղեկություններ են ստացվել, որ Երևան-Երասխ ավտոճանապարհի՝ Դիմիտրով գյուղի վարչական տարածքում, «Ադանա» ռեստորանային համալիրի մոտ վիճաբանություն է տեղի ունենում։
Ինչպես հայտնում է ֆոտոլրագրող Գագիկ Շամշյանը, Արարատի մարզային քրեական վարչության և ոստիկանության Արտաշատի բաժնի ծառայողների կողմից ձեռնարկված միջոցառումների արդյունքում պարզվել է, որ նույն օրը՝ ժամը 21։00-ի սահմաններում, «Ադանա» ռեստորանային համալիրի տարածքում մի կողմից՝ Արարատի մարզի բնակիչ 35-ամյա Վիրաբ Ա․-ն, Տավուշի մարզի բնակիչ 34-ամյա Գևորգ Ս․-ն, Արարատի մարզի բնակիչ 40-ամյա Վանիկ Ս․-ն, մյուս կողմից՝ Երևանի բնակիչ 44-ամյա Ցոլակ Ղ․-ն, Տավուշի մարզի բնակիչ 18-ամյա Ռոմա Պ․-ն, Գեղարքունիքի մարզի բնակիչ 18-ամյա Ավետիք Գ․-ն, 24-ամյա Անդրանիկ Գ․-ն, Արարատի մարզի բնակիչ 24-ամյա Հրանտ Ա․-ն, իսկ երրորդ կողմից՝ Արարատի մարզի բնակիչ 36-ամյա Վահան Մ․-ն, կոպիտ կերպով խախտելով հասարակական կարգը, հայհոյանք հնչեցնելու հարցի շուրջ վիճաբանել են միմյանց հետ, որի ընթացքում փոխադարձ հարվածներ են հասցրել միմյանց։
Գ․ Շամշյանի տեղեկություններով՝ վիճաբանության մասնակիցները խուլիգանություն կատարելու անմիջականորեն ծագած հիմնավոր կասկածանքով ձերբակալվել և տեղափոխվել են ոստիկանության Արտաշատի բաժին, ապա կազմված փաստաթղթերի հետ միասին ներկայացվել ՀՀ քննչական կոմիտեի Արարատի մարզային քննչական վարչություն։