julbaz.mediamonitoring.am

Ադրբեջանն ու Եվրամիությունը համաձայնեցրել են «Գործընկերության առաջնահերթությունների» տեքստը և վերսկսել են ռազմավարական համագործակցության շուրջ բանակցությունները, հայտարարել է երկրում ԵՄ պատվիրակությունը։

«Բաքվում ԵՄ-ի և Ադրբեջանի միջև արդյունավետ բանակցություններ են տեղի ունեցել գործընկերության 30-ամյակի առթիվ։ Բանակցողները նախնական համաձայնեցրել են «Գործընկերության առաջնահերթությունների» տեքստը և պաշտոնապես վերսկսել են նոր երկկողմ համաձայնագրի (ռազմավարական գործընկերության վերաբերյալ) շուրջ բանակցությունները», – հայտնել է դիվանագիտական ​​առաքելությունը, մեջբերում են ադրբեջանական ԶԼՄ-ները։

«Մեր ուշադրության կենտրոնում է երկխոսության ամրապնդումը, կապերի զարգացումը և տնտեսական համագործակցությունը», հավելել են ԵՄ ներկայացուցչությունում։

Ադրբեջանի և ԵՄ-ի միջև ռազմավարական գործընկերության համաձայնագիրը ներառում է չորս բաղադրիչ։ Որոշ առևտրային և տնտեսական հարցեր մնում են չլուծված։ Բաքուն նախկինում հայտարարել էր, որ փաստաթղթի տեքստը համաձայնեցված է 90%-ով։

Այս համաձայնագրի շուրջ կողմերի միջև բանակցություններ չեն վարվել արդեն մի քանի տարի։

Հունիսի 3-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունել է արցախահայության ներկայացուցիչներին։

Հանդիպմանն անդրադարձ է կատարվել բռնի տեղահանված արցախահայերի առջև ծառացած հիմնախնդիրներին, նրանց հոգևոր խնամքին և սոցիալական կարիքներին, ինչպես նաև արցախահայության արդար իրավունքների և Արցախի հոգևոր-մշակութային ժառանգության պաշտպանությանն առնչվող հարցերին։

Հունիսի 3-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունել է արցախահայության ներկայացուցիչներին։

Հանդիպմանն անդրադարձ է կատարվել բռնի տեղահանված արցախահայերի առջև ծառացած հիմնախնդիրներին, նրանց հոգևոր խնամքին և սոցիալական կարիքներին, ինչպես նաև արցախահայության արդար իրավունքների և Արցախի հոգևոր-մշակութային ժառանգության պաշտպանությանն առնչվող հարցերին։

Ռուսաստանը չի ֆինանսավորի Հայաստանի դուրս գալը ճգնաժամից, որը կհաջորդի ԵՄ-ի հետ Երևանի կապերի ընդլայնման գործընթացին։ Այս մասին հայտարարել է ՌԴ անվտանգության խորհրդի քարտուղար Սերգեյ Շոյգուն:

«Ուզում եմ ուղիղ ասել՝ մենք չենք ֆինանսավորելու ո՛չ ԵՄ-ի հետ Հայաստանի կապերի ընդլայնումը, ո՛չ եվրոպական չափանիշների անցնելու գործընթացի դյուրացումը, ո՛չ էլ դրան հաջորդող տնտեսական ճգնաժամից վերականգնվելը», – ասել է Շոյգուն։

Նրա կարծիքով` պաշտոնական Երևանը չի ցանկանում ԵՄ անդամակցության հանրաքվե անցկացնել, քանի որ եթե Հայաստանի բնակչությունը դեմ լինի, իշխանությունները ստիպված կլինեն տհաճ խոսակցություն ունենալ եվրոպացի հովանավորների հետ:

«Այդ հայտարարության հետևում կա նշված հանրաքվեն անցկացնելու ակնհայտ դժկամություն։ Միանգամայն հնարավոր է, որ բնակչությունը դեմ կքվեարկի, և այսօրվա իշխանությունները ստիպված կլինեն տհաճ խոսակցություն ունենալ իրենց եվրոպացի հովանավորների հետ», – ասել է ՌԴ ԱԽ քարտուղարը։

Պաշտոնյան շեշտել է, որ Հայաստանի ՀՆԱ–ն ԵԱՏՄ անդամակցության 10 տարվա ընթացքում աճել է գրեթե երեք անգամ՝ 10,5 մլրդ դոլարից հասնելով ավելի քան 29 մլրդ դոլարի, ընդ որում` վերջին երեք տարիներին 40% աճ է ապահովել։

Երևանը հասկանում է, որ առանց Ռուսաստանի և ԵԱՏՄ-ի Հայաստանի համար, մեղմ ասած, դժվար կլինի, նկատել է Շոյգուն և հավելել՝ ՀՀ տնտեսության գրեթե ողջ իրական հատվածը կապված է ՌԴ-ի, ոչ թե Եվրոպայի հետ։

Նա վստահեցրել է, որ ԵԱՏՄ-ից դուրս գալու դեպքում Հայաստանին չի հաջողվի նաև խուսափել արդյունաբերության և բնակչության համար էլեկտրաէներգիայի թանկացումից:
Գազը կարող է 3-4 անգամ թանկանալ, զբոսաշրջության կրճատումից կորուստները կարող են հասնել 1,5 մլրդ դոլարի։

Նա նշել է, որ ԵՄ-ն կարող է շահավետ նախագծերի համար փոքր գումարներ հատկացնել, սակայն Եվրամիությունը պատրաստ չէ իր վրա վերցնել իրական ծախսերը:

ՌԴ անվտանգության խորհրդի քարտուղարն ընդգծել է` ԵՄ-ի հետ ինտեգրումը նշանակում է խզել ԵԱՏՄ-ի և Ռուսաստանի հետ կապերը:

«ԵՄ-ի հետ ինտեգրումը, թեկուզ այն ներկայացվի որպես դիվերսիֆիկացիա, նշանակում է խզում ԵԱՏՄ-ի և Ռուսաստանի հետ, որքան էլ առանձին գործիչներ հավաստիացնեն, թե դա այդպես չէ։ Նման քայլերը Հայաստանի տնտեսությունը կհասցնեն խոր ճգնաժամի», – զգուշացրել է Շոյգուն։

«Ուժեղ Հայաստան» կուսակցության խորհրդի անդամ Նարեկ Կարապետյանը Հանրապետության հրապարակում անցկացվող հանրահավաքի ընթացքում իր ելույթում նշել է, որ իր համար մեծ պատասխանատվություն և պատիվ է մասնակցել Հայաստանի համար կարևոր և պատմական այս քաղաքական գործընթացին՝ ընդգծելով, որ պատրաստ են կրել դրա հետ կապված բոլոր դժվարությունները և հանդես գալ հասարակության առաջ բաց դիրքորոշմամբ։

Նա հայտարարել է, որ այս ընթացքում կարողացել են հաղթահարել բոլոր խնդիրները՝ որպես դրա վկայություն նշելով հանրահավաքի բարձր մասնակցությունն ու հրապարակում ձևավորված դրական մթնոլորտը։

««Չորս օրից մեր պատմության համար վճռորոշ օր է։ Չորս օրից հանրաքվե է, հանրաքվե՝ երկու բանի մասին՝ շարունակում ենք թույլ մնալ, շարունակում ենք թույլ տալ հարևաններին օգտագործել մեզ, թե կանգնում ենք և մեր մեջքը ամրացնում և սկսում ենք զարգանալ»,- ասել է նա: