julbaz.mediamonitoring.am

«Ուժեղ Հայաստան» կուսակցության ներկայացուցիչ Անդրանիկ Գեւորգյանը ֆեյսբուքյան իր էջում տեսանյութ է հրապարակել՝ կից գրելով․

«Յաղդանցիներին ոչ ոք չի՛ կարող վախեցնել, յաղդանցին հստակ գիտի, որ Հայաստանին պետք է փոփոխություն, որը հնարավոր է Սամվել Կարապետյանի հետ:
3 «Ուժեղ Հայաստան» դաշինք»։

«Ուժեղ Հայաստան» կուսակցության ներկայացուցիչ Անդրանիկ Գեւորգյանը ֆեյսբուքյան իր էջում տեսանյութ է հրապարակել՝ կից գրելով․

«Յաղդանցիներին ոչ ոք չի՛ կարող վախեցնել, յաղդանցին հստակ գիտի, որ Հայաստանին պետք է փոփոխություն, որը հնարավոր է Սամվել Կարապետյանի հետ:
3 «Ուժեղ Հայաստան» դաշինք»։

Աշխարհահռչակ դիմահարդար և բլոգեր Գոհար Ավետիսյանը կրկին հայրենիքում է։ Այսօր նա իր սոցիալական հարթակներում մի շարք նոր հրապարակումներ է արել՝ հայտնելով, որ որդու՝ Գասպարի հետ գտնվում է Երևանում։

Հրապարակված հոլովակներից մեկը, որն արդեն հասցրել է քննարկման թեմա դառնալ համացանցում, աչքի է ընկնում իր կատակերգական սցենարով։

Տեսանյութում Գոհարը որդուն հարցնում է՝ «Որտե՞ղ ենք մենք», ինչին փոքրիկը վստահ պատասխանում է՝ «Դուբայում»։

Ի պատասխան որդու շփոթմունքի՝ Գոհարը ծիծաղելով և կատակով արձագանքում է. «Դու Հայաստանում ես, այ տղա»:

Բացի զվարճալի կադրերից, Գոհար Ավետիսյանն իր հետևորդներին սիրով ցույց է տվել նաև, թե որտեղ է հանգրվանել Երևանում։

Նա հիացել է իրենց հյուրանոցային սենյակի պատուհանից բացվող գեղեցիկ տեսարանով՝ կիսվելով մայրաքաղաքի հմայքով։ Հոլովակները վայրկյանների ընթացքում տարածվել են հայկական տելեգրամյան ալիքներում և ինստագրամյան էջերում՝ արժանանալով օգտատերերի ջերմ ու դրական արձագանքներին. «Բարի գալուստ հայրենիք, գեղեցկուհի», «Գասպարը պարզապես հրաշք է»,– գրել են երկրպագուները։

Թամարա Քալանթարյան

Առողջապահության բարեփոխումները չպետք է իրականացվեն բուժաշխատողների եկամտի հաշվին։ Առողջապահական ապահովագրությունը պետք է ապահովության զգացում տա թե՛ հիվանդին, թե՛ բուժաշխատողին։

«Բարգավաճ Հայաստան» կուսակցության նախընտրական ծրագրում առողջապահության համակարգի բարելավմանն ու կայուն զարգացմանն ուղղված կարևոր դրույթներ կան, որոնք միտված են ստեղծելու ավելի հասանելի, արդար և մարդակենտրոն առողջապահություն։

Հանրապետության անվանի բժիշկների հետ կայացած հանդիպման ընթացքում քննարկեցինք ոլորտի առկա խնդիրներն ու զարգացման հեռանկարները։ Բոլորիս համոզմամբ՝ առողջ հասարակությունն ուժեղ ու կայուն պետության հիմքն է, իսկ առողջապահությունը պետք է շարունակի մնալ պետական առաջնահերթություններից մեկը։

Ինչպես արդեն հայտնել էինք, բլոգեր Օվսաննա Խաչատրյանը շուտով մայրիկ է դառնալու։ Նա և ամուսինը պատրաստվում են լույս աշխարհ բերել իրենց առաջնեկին՝ արու զավակին, և այդ հրաշքին սպասելուն մնացել են հաշված օրեր։

Օվսին սոցիալական հարթակների իր էջերում կիսվել է նոր, չափազանց նուրբ ու էսթետիկ լուսանկարներով՝ ցուցադրելով կլորացած փորիկը։ Հրապարակմանը կից ապագա մայրիկը կատարել է կարճ, բայց խորհրդանշական գրառում. «Վայելում եմ հղիության վերջին օրերը»։

Նոր կադրերը րոպեների ընթացքում արժանացել են բլոգերի բազմահազարանոց լսարանի ուշադրությանը։

Մեկնաբանությունների դաշտը ողողվել է սիրո խոստովանություններով և ջերմ խոսքերով։

Հետևորդները շտապել են քաջալերել և թեթև ընթացք մաղթել Օվսիին կյանքի այս ամենակարևոր պատասխանատու փուլից առաջ։

Օվսաննան հղիության ողջ ընթացքում շարունակել է ակտիվ լինել, կիսվել իր զգացողություններով ու խորհուրդներով, իսկ հիմա նրա երկրպագուները շունչները պահած սպասում են փոքրիկի ծննդյան բարի լուրին։

Թամարա Քալանթարյան

Այսօր՝ մայիսի 16-ին, ավտովթար է տեղի ունեցել Գեղարքունիքի մարզում։ Ժամը 11:30-ի սահմաններում Գեղարքունիքի մարզի բնակիչ 20-ամյա Դավիթ Զ.-ն իր վարած «ISUZU» մակնիշի բեռնատարով Ճամբարակ քաղաքից դեպի Վահան գյուղ տանող տանող ճանապարհին բախվել է կամրջի բետոնե արգելապատնեշին և կողաշրջվել։

Ինչպես հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների բարեբախտաբար տուժածներ չկան։

Օպերատիվորեն ժամանել են ՀՀ Ներքին գործերի նախարարության ոստիկանության Պարեկային ծառայության Գեղարքունիքի մարզի գումարտակի 1-ին վաշտի պարեկները՝ գումարտակի հրամանատար Աղասի Խաչատրյանի, գումարտակի հրամանատարի տեղակալ Իգոր Ղազարյանի, գումարտակի ծառայության ավագ տեսուչ, օրվա պատասխանատու Ներսիկ Գրիգորյանի, վաշտի հրամանատար Հրաչյա Գևորգյանի և վաշտի հրամանատարի տեղակալ Արսեն Ստեփանյանի գլխավորությամբ։

Վարորդը ենթարկվել է սթափության փորձաքննության, եղել է ոչ սթափ (խմած), իսկ ավտոմեքենան պատկանում է «Grand Candy» ընկերությանը։

Մանրամասները՝ սկզբնաղբյուր կայքում

Հայաստանը հիանալի հասկանում է Եվրամիությունում և Եվրասիական տնտեսական միությունում (ԵԱՏՄ) Հանրապետության միաժամանակյա գտնվելու անհնարինությունը, և երբ հասունանա նման անհրաժեշտությունը, համապատասխան որոշումը կկայացվի Հայաստանի քաղաքացիների կողմից:

Այս մասին ՏԱՍՍ-ին հայտնել է Հայաստանի փոխվարչապետ Մհեր Գրիգորյանը՝ պատասխանելով հարցին, թե արդյոք Հայաստանը դուրս կգա ԵԱՏՄ-ից և արդյոք այդ հարցի շուրջ հանրաքվե կլինի՝ հաշվի առնելով հանրապետության՝ երկու միավորումներում գտնվելու անհնարինությունը:

«Մենք շատ լավ հասկանում ենք, որ Հայաստանը չի կարող միաժամանակ լինել ԵԱՏՄ և ԵՄ անդամ, և ակնհայտ է, որ ապագայում մեզ անհրաժեշտ կլինի համապատասխան որոշում կայացնել։

Ընդ որում, այդ հարցով որոշում կկայացվի, անշուշտ, Հայաստանի քաղաքացիների կողմից։ Այժմ նման անհրաժեշտություն չկա»,-ասել է Մհեր Գրիգորյանը։

Միաժամանակ Գրիգորյանը ուշադրություն է հրավիրել այն հանգամանքի վրա, որ «Հայաստանը ԵԱՏՄ լիիրավ անդամ է, կառուցողական համագործակցություն է վարում, լիարժեքորեն մասնակցում է քննարկումներին եւ բոլոր որոշումների ընդունման գործընթացներին»։

Ժոզե Մոուրինյուն կհեռանա «Բենֆիկայից» և կդառնա Մադրիդի «Ռեալի» նոր գլխավոր մարզիչը։ Ինչպես հաղորդում է Marca պարբերականը, պորտուգալացի մասնագետի վերադարձն արդեն համաձայնեցված է։

Մոտ ժամանակներս «արքայական» ակումբը պաշտոնապես կհաստատի «Յուրահատուկի» նշանակման մասին։ Նշվում է նաև, որ 63-ամյա մարզիչն ակտիվորեն կմասնակցի թիմի տրանսֆերային արշավին։

​Մադրիդյան գրանդի ղեկին Մուրինյուն կփոխարինի Ալվարո Արբելոային։ Հիշեցնենք, որ Ժոզեն ավելի վաղ գլխավորել է «Ռեալը» 2010-ից 2013 թվականներին։

Ընթացիկ մրցաշրջանում թիմը ոչ մի տիտղոս չի նվաճել։ Առաջնության ավարտից երկու տուր առաջ մադրիդցիները Լա Լիգայի մրցաշարային աղյուսակում զբաղեցնում են երկրորդ հորիզոնականը՝ «Բարսելոնայից» հետ մնալով 11 միավորով։