julbaz.mediamonitoring.am

Քաղաքական մեկնաբան Հակոբ Բադալյանի թելեգրամյան գրառումը․ «ԱՄՆ պետքարտուղար Մարկո Ռուբիոն ու Հռոմի Պապ Լեոն 14-րդը Վատիկանում «փոխպանակվել» են բավականին խորհրդանշական նվերներով: Ռուբիոն այց է կատարել Վատիկան: Ի դեպ, նկատենք, որ այցը տեղի է ունենում Թրամփի համար բավականին բարդ ժամանակաշրջանում, եւ այն էլ Բրիտանիայի թագավորի Վաշինգտոն այցից հետո: Այց, որի ընթացքում Բրիտանիայի միապետը արեց մի շարք կսմիթներ եւ բրիտանական հումոր՝ ԱՄՆ հանդեպ:

Իսկ նույն միապետը 2025 թվականի հոկտեմբերին Սիքստինյան մատուռում համատեղ աղոթք արեց Հռոմի Պապի հետ, ինչը Կաթոլիկ եկեղեցուց Անգլիական եկեղեցու անջատումից 500 տարի անց առաջին համատեղ աղոթքն էր: Հիշեցնեմ, որ միապետը համարվում է Անգլիական եկեղեցու գլուխը:

Այդպիսով, Չարլզ Երրորդի Վաշինգթոն կատարած այցից մի քանի օր անց Մարկո Ռուբիոն այցելում է Վատիկան: Հռոմի Պապին նա նվիրում է գնդակ, իհարկե ոչ սովորական, այլ բյուրեղապակյա՝ ամերիկյան ֆուտբոլի բյուրեղապակյա գնդակ: Նկատենք՝ ամերիկյան ֆուտբոլը շատ կոշտ մարզաձեւ է: Ովքեր չգիտեն՝ այն ըստ էության նման է ռեգբիին, սակայն շատ ավելի կոշտ կոնտակտային: Արդյո՞ք դա ակնարկ է Հռոմի Պապին, որ Վաշինգթոնը պատրաստ է կոշտ դիմակայության եւ գնդակն էլ «տեղափոխում» է Վատիկանի դաշտ:

Հռոմի Պապը Ռուբիոյի նվերն ընդունել է՝ «Վաու: Լավ:» արտահայտությամբ: Իսկ փոխարենը Պապը Ռուբիոյին նվիրել է ձիթենու փայտից պատրաստված գրիչ, որպես խաղաղության խորհրդանիշ: Ձիթենին է համարվում այդպիսին: Բայց արդյո՞ք գրիչն ինքնին ունի այլ խորհրդանշականություն կամ համատեքստ՝ Պապի նվերի առումով: Արդյո՞ք Պապը գրիչ նվիրելով Ռուբիոյին, ակնարկում կամ հիշեցնում է որեւէ պայմանավորվածության մասին՝ ստորագրության իմաստով»։

Լրագրող Սյուզի Բադոյանը ֆեյսբուքյան էջում տեսանյութ է հրապարակել՝ կից գրելով․ «Սա փաստաբան Վարդուհի Էլբակյանի ակնարկած 3-րդ մանկապիղծն է, որին քիչ առաջ մեղադրանք առաջադրվեց Վեդիում անչափահաս քույրերի սկանդալային գործով։
     «Յուքոմ»-ին 60 հազար դրամ պարտք է մնացել, դատարանով նրանից նմանատիպ գումարներ են բռնագանձվել․․․ Այս ինջևանցի «սրտակերը» դեռ տարիներ առաջ 14-ամյա դեռահասի հետ մանկապղծության թեմաների մեջ է ընկել, քրգործը վկա։ Կասկածելի հետագծով այս 39-ամյա տղամարդը իր պղծած աղջկա հետ էլ ամուսնացել է հետագայում, երևի չդատվելու պայմանով»։

Ուկրաինայի նախագահ Վլադիմիր Զելենսկին հայտարարել է, որ Ուկրաինան, ամերիկյան կողմի միջնորդությամբ, Ռուսաստանի հետ համաձայնության է եկել եռօրյա հրադադարի և գերիների փոխանակման շուրջ։

Նա նշել է, որ «վերջին օրերին մենք բազմաթիվ դիմումներ և ազդանշաններ ենք ստացել Մոսկվայում վաղվա օրվա ծրագրերի վերաբերյալ՝ կապված մեր երկարաժամկետ ուկրաինական պատժամիջոցների հետ»։

«Մեր գործողություններում հայելային սկզբունքը լավ հայտնի է և փոխանցվել է ռուսական կողմին։ Ուկրաինայի համար մեր դիրքորոշումը որոշելիս լրացուցիչ կարևոր փաստարկ է այս պատերազմի հիմնական մարդասիրական հարցերից մեկի՝ ռազմագերիների ազատ արձակման լուծումը։ Կարմիր հրապարակը մեզ համար պակաս կարևոր է, քան ուկրաինացի գերիների կյանքը, որոնց հնարավոր է վերադարձնել տուն»։

Նա հավելել է, որ հենց այդ պատճառով այսօր, ամերիկյան կողմի միջնորդությամբ ընթացող բանակցային գործընթացի շրջանակում, Ուկրաինան ստացել է Ռուսաստանի համաձայնությունը՝ ռազմագերիների փոխանակում իրականացնել«1000-ը՝ 1000-ի դիմաց» ձևաչափով։
     «Նաև մայիսի 9-ին, 10-ին և 11-ին պետք է հաստատվի լռության ռեժիմ»։