julbaz.mediamonitoring.am

«Իմ մասնակցությամբ որևէ միջոցառմանը, եթե որևէ պետական պաշտոնյա օգտագործի վարչական ռեսուրս, առանց քննարկման ես այդ պաշտոնյային աշխատանքից հեռացնելու եմ: Եթե որևէ պաշտոնյա, վարչական ռեսուրսին ենթարկվելով, գա այդ միջոցառումներին, ես այդ եկած պաշտոնյաներին էլ առանց քննարկման աշխատանքից ազատելու եմ»,- Կառավարության նիստից հետո տեղի ունեցած ճեպազրույցում նշեց վարչապետ Նիկոլ Փաշինյանը՝ հավելելով, որ բոլոր մարդիկ իրավունք ունեն օրենքով սահմանված կարգով մասնակցել միջոցառումների և պատիժը կգործի նաև այն դեպքում, երբ վարչական ռեսուրսի կիրառմամբ որևէ մեկին արգելեն մասնակցել որևէ միջոցառման։

«Հայաստանից ինչ կարող է արտահանվել Ադրբեջան, կա՞ ցանկ և կա՞ն գործարարներ, ովքեր հիմա պատրաստ են ապրանքներն արտահանել»- ճեպազրույցի ժամանակ լրագրողն հարցն ուղղեց վարչապետ Նիկոլ Փաշինյանին։

«Միչև հիմա գործարար համայնքներն ապրանքների ցանկեր փոխանակել են կառավարության միջոցով, քանի որ հիմա արդեն ակտիվանում են այդ հոցքերը՝ կառավարությունն այդ գործառույթն անելու պատեհություն չունի և հետաքրքրված գործարարներին, ովքեր ցուցակները փոխանցել են, մենք ասում ենք՝ սրանից հետո կարող եք ուղիղ աշխատել իրար հետ»,- պատասխանել է վարչապետը՝ հավելելով․ «Ինչ վերաբերում է հարցին, թե ինչ ապրանքներ կարող են արտահանվել՝ ինչ որ Հայաստանից արտահանվում է։ Ճիշտ է այս պահին ապրանքների շրջանակը մեծ չէ, բայց հետագայում կարող է ընդլայնվել»։

«GALLUP International Association»-ի հայաստանյան ներկայացուցչության ղեկավար Արամ Նավասարդյանն ասուլիսի ժամանակ ներկայացրել է՝ «Եթե խորհրդարանական ընտրությունները տեղի ունենան հաջորդ կիրակի, ո՞ր կուսակցության կամ դաշինիքի օգտին կքվեարկեիք» հարցման արդյունքները: «26,7 տոկոսը նշել է ՔՊ, 14,1 տոկոս՝ «Ուժեղ Հայաստան» դաշինք, «Հայաստան» դաշինք՝ 8,2 տոկոս, ԲՀԿ՝ 7,9 տոկոս, «Միասնության թևեր»՝ 4,2 տոկոս, ԴՕԿ՝ 3,1, ԼՀԿ՝ 2,7, Հայաստանի շնորհապետական կուսակցություն՝ 2,3, «Նոր ուժ»՝ 1,9, «Հանրապետություն»՝ 1,7, Քրիստոնեա – Ժողովրդավարական կուսակցություն՝ 1,1, ԱԺԲ՝ 0,7, «Բոլորին դեմ եմ»՝ 0,6, «Ալյանս» կուսակցություն, «Քոչարի» կուսակցություն և ՀԱԿ՝ 0,4, «Հանուն Հանրապետության» Ժողովրդավարության պաշտպանների դաշինք, Ռեֆորմիստների կուսակցություն, Ժողովրդավարական համախմբում կուսակցություն՝ 0,3 տոկոս»,- մանրամասնել է բանախոսը: