Ադրբեջանի նախագահ Իլհամ Ալիևը Բաքվում հանդիպել է Ուկրաինայի նախկին նախագահ Վիկտոր Յուշչենկոյի հետ։
Այս մասին, ըստ ադրբեջանական ԶԼՄ-ների, X-ի իր հարթակում հայտնել է Ալիևը։
«Հանդիպել եմ այցով Բաքվում գտնվող Ուկրաինայի նախկին նախագահ Վիկտոր Յուշչենկոյի հետ։
Կիսվեցինք մեր ծանոթության հաճելի հիշողություններով, որը տևել է ավելի քան 20 տարի, հիշեցինք ադրբեջանա-ուկրաինական հարաբերությունները ամրապնդելու մեր համատեղ ջանքերը և մտքեր փոխանակեցինք դրանց ապագա հեռանկարների վերաբերյալ»,-նշել է նա։
Հավելենք, որ Մոսկվայի և Բաքվի միջև՝ վերջին շրջանում լարված հարաբերւթյունների ֆոնին, Ադրբեջանը շարունակում է հրապարակավ իր աջակցությունը հայտնել Ուկրաինայի տարածքային ամբողջականությանը, իսկ Ալիևը պարբերաբար հայտարարում է, թե ռուսական կողմը օկուպացրել է Ուկրաինայի տարածքները։
Բացի այդ, Ադրբեջանը շարունակական մարդասիրական աջակցություն է ցուցաբերում Կիևին։
Իսկ Ալիև-Յուշչենկո հանդիպումը Բաքվի հերթական հակառուսական ցուցադրական քայլն է՝ լարված հարաբերությունների ֆոնին։