Ուկրաինայի Գերագույն ռադան Եվգենի Խմարային հաստատել է պաշտպանության նախարարի պաշտոնում։ Նրա թեկնածությանը կողմ է քվեարկել 312 պատգամավոր, դեմ՝ 2-ը։
Խմարան իր առաջնահերթություններն է համարել ռազմաճակատում իրավիճակի վերահսկումը, զորքերի ամրապնդումն ու պաշտպանական արդյունաբերության զարգացումը։ Նա նշել է, որ զորահավաքի բարեփոխման առաջարկները մշակվում են Ուկրաինայի զինված ուժերի գլխավոր հրամանատարի և Գլխավոր շտաբի հետ և կներկայացվեն նախագահ Վլադիմիր Զելենսկիին։
Նախկին պաշտպանության նախարար Միխայիլ Ֆեդորովը նոր կառավարության կազմում չի վերանշանակվել և հաստատել է իր հրաժարականը։ Նրա պաշտոնանկության դեմ Կիևում և այլ քաղաքներում բողոքի ցույցեր են անցկացվել։ Օգոստոսի 19-ին Ռադայի շենքի մոտ Ֆեդորովին աջակցող ցույցին, DW-ի գնահատմամբ, մասնակցել է մոտ 100 մարդ։