ԵՄ արտաքին քաղաքականության բարձր ներկայացուցիչ Կայա Կալասը հայտնել է, որ հույս ունի՝ Ուկրաինայի համար նախատեսված շուրջ 90 միլիարդ եվրոյի եվրոպական վարկը կհաստատվի առաջիկա 24 ժամվա ընթացքում։ Նրա խոսքով՝ Եվրամիության առաջնորդները չորեքշաբթի կհավաքվեն Կիպրոսում կայանալիք գագաթնաժողովում, որտեղ նախատեսվում է կայացնել վերջնական որոշում վարկի տրամադրման վերաբերյալ, գրում է BBC-ին։
Վարկի հաստատումը նախկինում հետաձգվել էր Հունգարիաի դիրքորոշման պատճառով։ Երկրի վարչապետ Վիկտոր Օրբանը պահանջել էր, որ Ուկրաինան վերսկսի ռուսական նավթի մատակարարումները «Դրուժբա» խողովակաշարով։
Օրբանի կուսակցությունը վերջերս պարտվել էր խորհրդարանական ընտրություններում, իսկ երեքշաբթի օրը Ուկրաինայի նախագահ Վոլոդիմիր Զելենսկին հայտարարել է, որ ուկրաինացի մասնագետները պատրաստ են վերսկսել «Դրուժբա»-ի գործունեությունը։
«Հունգարիայում ընտրություններից հետո գործընթացը նոր թափ է ստացել, և ես ակնկալում եմ դրական որոշում առաջիկա 24 ժամվա ընթացքում», -նշել է Կալլասը՝ ընդգծելով, որ նախկինում ևս դիրքորոշումների փոփոխություններ են եղել, սակայն այժմ խոչընդոտների վերացման հավանականությունը բարձր է։
Կալասը հայտնել է, որ Եվրոպայի արտաքին գործերի նախարարները «նաև կոչ են արել արագ առաջընթացի հասնել Ռուսաստանի դեմ ուղղված 20-րդ պատժամիջոցների փաթեթի հարցում»։ Այս փաթեթը նույնպես արգելափակվել էր Հունգարիայի կողմից։