ՀՀ երկրորդ նախագահ Ռոբերտ Քոչարյանի որդուն՝ Սեդրակ Քոչարյանին, տեսակցելու իրավունք ունեն միայն նրա կինն ու երեխաները։ Մայրը, եղբայրն ու քույրը նրան տեսակցել չեն կարող։
«Ինչի՞ համար է սա արվում, ո՞րն է նպատակը։ Եթե մայրս, ես կամ քույրս գնանք Սեդրակին տեսնենք, գործը փլվելո՞ւ է»,- լրագրողների հետ հանդիպմանն ասաց «Հայաստան» խմբակցության պատգամավոր Լևոն Քոչարյանը։
Նրա խոսքով՝ եթե Նիկոլ Փաշինյանը կարծում է, թե Ռոբերտ Քոչարյանի նկատմամբ ճնշումը մեծացնելու համար որդուն ևս կալանավորելով կարող է ինչ-որ արդյունքի հասնել, ապա սխալվում է։
«Բոլորս էլ պատրաստ ենք այս հետապնդումներին, գիտենք՝ ինչի համար ենք պայքարում»,- նշեց Լևոն Քոչարյանը։
Նա նաև ասաց, որ եղբայրը «պինդ է ու ամուր»։