Նիգերիայում ռազմական ինքնաթիռ կործանվել է, որում 32 մարդ է եղել։ Այս մասին հայտնել է երկրի ավիացիայի և օդատիեզերական զարգացման նախարար Ֆեստուս Կեյամոն։
Նրա խոսքով՝ ինքնաթիռը վթարի է ենթարկվել Իգբոկոդա քաղաքի (Օնդո նահանգ) ռազմածովային բազայի մոտակայքում։
«Նախնական տվյալով՝ օդանավում եղել են 25 ուղևոր և անձնակազմի յոթ անդամ»,-գրել է Կեյամոն X սոցիալական ցանցում։
Ինքնաթիռը Բենինից ուղևորվում էր Լագոս։
Այժմ որոնողափրկարարական աշխատանքներ են իրականացվում։