Իրանի արտգործնախարար Աբբաս Արաղչին հայտարարել է, որ վերջին պատերազմը ցույց է տվել՝ տարածաշրջանում ամերիկյան զորքերի և ռազմաբազաների ներկայությունը ոչ միայն չի ապահովում հյուրընկալող երկրների անվտանգությունը, այլև խաթարում է այն։
Ռուսաստանի արտգործնախարարի հետ համատեղ մամուլի ասուլիսի ավարտին Արաղչիի խոսքով՝ ամերիկյան ռազմաբազաները չեն կարողացել պաշտպանել ո՛չ իրենց դաշնակիցներին, ո՛չ էլ իրենց՝ կրելով զգալի կորուստներ։
Իրանի արտգործնախարարը ողջունել է տարածաշրջանի երկրների հավաքական անվտանգության համակարգ ստեղծելու նախաձեռնությունները՝ առանց արտաքին ուժերի միջամտության։
Արաղչին ընդգծել է, որ Իրանը պատրաստ է համագործակցել տարածաշրջանի պետությունների հետ՝ նրանց ընդհանուր շահերից բխող, հենց տարածաշրջանի երկրների կողմից մշակված անվտանգության համապարփակ համակարգ ստեղծելու համար։