Իրանի արտաքին գործերի նախարարությունը դատապարտել է ԱՄՆ հարձակումները իսլամական հանրապետության լցանավերի վրա՝ այդ գործողությունները բնութագրելով որպես ագրեսիայի ակտ։ Այս մասին նշվել է արտաքին քաղաքական գերատեսչության հայտարարության մեջ։
«Իրանի Իսլամական Հանրապետության արտաքին գործերի նախարարությունը վճռականորեն դատապարտում է ԱՄՆ բանակի գործողությունները երկու նավթատար լցանավերի դեմ։ Այս ագրեսիվ և սադրիչ գործողությունները հրադադարի համաձայնագրի խախտում են», – նշվել է փաստաթղթում։