Իսրայելի վարչապետ Բենիամին Նեթանյահուն ԱՄՆ վարչակազմին հայտնել է, որ Իրանի հետ միջուկային ծրագրի դադարեցման վերաբերյալ համաձայնությունը «բավարար չի լինի»։ Այս մասին շաբաթ օրը հայտնել է «Al Arabiya» հեռուստաալիքը՝ հղում անելով իրազեկ աղբյուրներին։
Աղբյուրները նաև մանրամասնել են, որ Իսրայելը քննարկել է Իրանի հետ պատերազմի հետագա էսկալացիայի հնարավոր տարբերակները, այդ թվում՝ էներգետիկ օբյեկտներին հասցված հարվածները՝ հավելելով, որ բանակցությունները չպետք է ձգձգվեն։
Միևնույն ժամանակ, ԱՄՆ նախագահ Դոնալդ Թրամփն ուրբաթ օրը նշել է, որ սպասում է Իրանի պատասխանին։ Վաշինգտոնը Մերձավոր Արևելքում պատերազմը դադարեցնելու նոր առաջարկ է ներկայացրել և ակնկալում է արձագանք ստանալ «մինչև այսօր երեկո»։