Կատարը հանդես է եկել հայտարարությամբ՝ դատապարտելով Իրանի իսլամական հեղափոխության պահապանների կորպուսի անդամներից բաղկացած զինված խմբի «ներթափանցումը» մերձակա կղզի՝ Քուվեյթի դեմ «թշնամական գործողություններ» իրականացնելու նպատակով:
Այդ «ներթափանցումը», ինչպես նաև «խմբի բախումը Քուվեյթի զինված ուժերի հետ, որը նախորդել է նրանց ձերբակալմանը, բացահայտ ագրեսիա են Քուվեյթի ինքնիշխանության դեմ և տարածաշրջանի անվտանգությանն ու կայունությանը սպառնացող իրադարձությունների վտանգավոր զարգացում»,- ասված է Կատարի ԱԳՆ հայտարարության մեջ:
Արտգործնախարարությունն ընդգծել է նաև «եղբայրական երկրների դեմ Իրանի անհիմն ագրեսիայի դադարեցման անհրաժեշտությունը՝ դա դիտարկելով որպես միջազգային իրավունքի կոպիտ խախտում և լուրջ սպառնալիք տարածաշրջանային անվտանգությանը»՝ հավելելով, որ «շուտափույթ ապաքինում» է մաղթում հարձակումների հետևանքով տուժածներին: