Այսօր՝ մայիսի 14-ին, հերթական ողբերգական դեպքն է տեղի ունեցել «Նուբարաշեն» քրեակատարողական հիմնարկում։
Ֆոտոլրագրող Գագիկ Շամշյանի հաղորդմամբ՝ տեղեկություններ են ստացվել, որ բանտի խցերից մեկում կախված դի կա։
Նշված բանտի 1-ին հարկի 2-րդ խցում կախված վիճակում հայտնաբերվել է դատապարտյալ, Գեղարքունիքի մարզի բնակիչ, 51-ամյա Մհեր Ղ-ի դին։
Ըստ նախնական տեղեկությունների՝ վերջինը ինքնասպանություն գործելու նպատակով կախվել է։
Մհեր Ղ-ն մեղադրվում էր ՀՀ քրեական օրենսգրքի 198-րդ հոդվածի 4-րդ մասի (սեքսուալ բնույթի բռնի գործողությունը՝ ընտանեկան դրությամբ կամ հաշմանդամությամբ պայմանավորված խոցելի վիճակում գտնվող անձի նկատմամբ) հատկանիշներով։