ԵՐԵՎԱՆ, 15 մայիսի․/ԱՌԿԱ/. Հայաստանի կենտրոնական բանկի Այցելուների կենտրոնը միացել է «Թանգարանների գիշեր» և թանգարանների միջազգային օրվան նվիրված համաեվրոպական միջոցառումներին, հայտնում է ԿԲ-ի մամուլի ծառայությունից։
«Եթե հետաքրքրված եք մեր երկրի դրամաշրջանառության պատմությամբ, ցանկանում եք տեսնել անընդհատ համալրվող հուշադրամների շարքը և ծանոթանալ բացառիկ դրամագիտական արժեքներին, ապա սպասում ենք ձեզ մեր կենտրոնում», – նշված է հաղորդագրության մեջ։
Մայիսի 16-ին` շաբաթ օրը, Կենտրոնական բանկի Երևանի այցելուների կենտրոնը բաց կլինի 11:00-ից մինչև 24:00։
Մայիսի 18-ին` երկուշաբթի օրը, Կենտրոնական բանկի Երևանի և Դիլիջանի այցելուների կենտրոնները կգործեն 11:00-ից մինչև 18:00։
Մուտքն անվճար է։