Իրանի շուրջ տեղի ունեցող իրադարձությունների ազդեցությունը համաշխարհային նավթային շուկայի վրա հանգեցրել է վառելիքի գների կտրուկ բարձրացման։ Հայաստանում վառելիքի թանկացումը միայն խորացնում է սոցիալական դժգոհությունը։ Սովորական վարորդների համար պատճառները կարևոր չեն․ նրանց համար առաջնային է գնի ազդեցությունը առօրյա ծախսերի վրա․
Վիճակագրական տվյալների համաձայն՝ 2026թ․ ապրիլի 20-ի դրությամբ տարածաշրջանում 1 լիտր վառելիքի գները հաստատվել են հետևյալ մակարդակներում․
- Բենզին (1լ)՝ Հայաստանում միջինում ＄1․48, Վրաստանում՝ ＄1․32, Ադրբեջանում՝ ＄0․68։
- Դիզելային վառելիք (1լ)՝ Հայաստանում միջինում ＄1․58, Վրաստանում՝ ＄1․48, Ադրբեջանում՝ ＄0․68։
- Հեղուկ գազ (1լ)՝ Հայաստանում միջինում ＄0․62, Ադրբեջանում՝ ＄0․41, Վրաստանում՝ ＄1․62։
Այս թվերը փաստում են, որ Հայաստանը տարածաշրջանում ունի համեմատաբար բարձր գներ բենզինի և դիզելային վառելիքի մասով, մինչդեռ հեղուկ գազի դեպքում առավել թանկ գին է Վրաստանում։ Ադրբեջանում բոլոր տեսակների գները զգալիորեն ցածր են։ Այս իրավիճակը ցույց է տալիս, որ կառավարման համակարգում չկան բավարար կանխարգելիչ մեխանիզմներ, որոնք կարող էին մեղմել միջազգային շուկայի տատանումների ազդեցությունը։