Oragir.News-ի «Ըստ էության» հաղորդաշարի տաղավարում հյուրընկալել ենք Երևանի ավագանու «Մայր Հայաստան» խմբակցության ղեկավար Մանուկ Սուքիասյանին։
Նրա հետ խոսել ենք առաջիկա ընտրությունների, նախընտրական քարոզարշավի, ընտրություններից ակնկալիքների, ընդդիմադիր դաշտում լարվածության, Երևանում տրանսպորտի, աղբահանության, ասֆալտի, կանաչ տարածքների հետ կապված դժգոհությունների աճի, կառավարման ճգնաժամի, Տիգրան Ավինյանի քարոզարշավին ակտիվ մասնակցելու, դրանով Երևանի խնդիրներից շեղվելու, աշակերտերի և ուսանողներին ստիպողաբար Նիկոլ Փաշինյանի հավաքներին բերելու, հարբած վարորդների վարորդական վկայականներն առանց քննության տալու Նիկոլ Փաշինյանի հայտարարության և մի շարք այլ հարցերի շուրջ։
Սուքիասյանի գնահատմամբ՝ այս իշխանությունը Ադրբեջանին է տալիս ամեն բան։
«Սրանք ցանկացած բան պատրաստ են տալ իրենց արտաքին գործընկերներին և այստեղ մեր ընտրություններին մասնակցում է «Քաղաքացիական պայմանագիր Յենի Ազերբայջան» կոալիցիան․․․2021 թվականից Հայաստանն ունի թուրքի պահած իշխանություն: Դա գնահատական չի, դա որակում չի, դա վիրավորանք չի, դա փաստ է՝ «պատմական» փաստ է»,- ասաց նա։
Սուքիասյանի գնահատմամբ՝ հանրությունը պետք է պատասխանատու ընտրություն կատարի և չսպասի փրկիչների։
«Իշխանությունը փորձում է սոսկ մանիպուլացնել, շահարկել, մարդկանց մոտ էմոցիա գեներացնել, բայց էլի եմ ասում իրենք բացահայտ հայտարարում են, որ էլի են հողեր տալու, էլի են զիջելու և այդտեղ է, որ հասարակությունը պետք է առերեսվի իրականության հետ և պատասխանատու ընտրություն կատարի և չսպասի ինչ-որ փրկիչների, ինչ-որ հրաշքների, հրաշքը և փրկությունը լինելու է ընտրատեղամասում յուրաքանչյուրի քվեից կախված»,- նշեց նա:
Սուքիասյանի պնդմամբ՝ ճգնաժամ բառը դարձել է Տիգրան Ավինյանի հետ ասոցացվող ամենադիպուկ բառը:
«Ճգնաժամ է եղել իր քովիդի պարետ լինելը, ճգնաժամ է եղել իր «ԱՆԻՖ»-ի կառավարումը, ճգնաժամ է առաջին օրվանից Երևանի քաղաքապետարանը»,- շեշտեց Սուքիասյանը:
Մանրամասները՝ տեսանյութում․