Ուկրաինայի նախագահ Վլադիմիր Զելենսկին «Ժողովրդի ծառա» կուսակցության պատգամավորների հետ հանդիպման ժամանակ հայտարարել է, որ Ռուսաստանի հետ պատերազմի «տաք փուլը» կարող է ավարտվել մինչև նոյեմբեր։ Այս մասին իր Telegram ալիքում հայտնել է «Ժողովրդի ծառա» կուսակցության պատգամավոր Օլգա Վասիլևսկայա-Սմագլյուկը։
«Նախագահը (Զելենսկին) նշել է, որ քննարկվում է «տաք փուլը» մինչև նոյեմբեր ավարտելու հնարավորությունը, անվտանգության երաշխիքների դեպքում։ Այս պահին մենք առավելություն ունենք առաջնագծում, որը կարող ենք օգտագործել։ Գլխավոր նպատակն է կանխել Ռուսաստանի կողմից մեզ խաբելը և կարճատև ընդմիջումից հետո նոր ռազմական գործողություններ՝ նոր հարձակում սկսելւ», – գրել է Վասիլևսկայա-Սմագլյուկը։
Խորհրդարանի անդամը նաև նշել է, որ Ուկրաինան սպասում է Եվրոպայի ներկայացուցչի ընտրությանը՝ խաղաղ կարգավորման բանակցություններում։ Նա նաև հայտարարել է ԱՄՆ պատվիրակության՝ մոտ ապագայում Կիև այցելելու մասին։
Խորհրդարանականը հայտնել է, որ Զելենսկու հետ հանդիպման ժամանակ «նրանք հատկապես քննարկել են» Ուկրաինայի ԵՄ անդամակցության հեռանկարները։