ԱՄՆ փոխնախագահ Ջեյ Դի Վենսը Fox News հեռուստաալիքին տված հարցազրույցում հայտարարել է, որ միակ ներդրումները, որոնք Իրանը կստանա Փոխըմբռնման հուշագրից, հիմնականում կլինեն Պարսից ծոցի երկրներից։
«Նախևառաջ, ամերիկյան փողերի և ոչ մի ցենտ չի գնում Իրան՝ ո՛չ 300 միլիարդ դոլար, ո՛չ 24 միլիարդ դոլար, և ոչ էլ որևէ այլ գումար դոլարով, որի շրջանառության մասին լուրերը ես տեսել եմ»,- ասել է Վենսը։
ԱՄՆ փոխնախագահը թվարկել է Կատարը, Արաբական Միացյալ Էմիրությունները և Սաուդյան Արաբիան՝ որպես երկրներ, որոնք կարող են տնտեսական օգուտ բերել Իրանին։
Նա հայտարարել է նաև, որ Իրանի միջուկային ծրագիրը լիովին ոչնչացված է, և որ երկիրը պատերազմի պատճառով «ամբողջովին փոխվել է»։