Թենիսի Հայաստանի կանանց հավաքականն արդեն այսօր կսկսի ելույթները Սան Մարինոյում կայանալիք Բիլի Ջին Քինգի գավաթի խաղարկությունում: Առաջին մրցակիցը Ադրբեջանի հավաքականն է։
Այս մասին իր տելեգրամյան ալիքում հայտնել է գործարար և բարերար Արթուր Սողոմոնյանը։
Բիլի Ջին Քինգի գավաթը թենիսի կանանց թիմային կարևորագույն մրցաշար է (տղամարդ-թենիսիստների համար խաղարկվող Դևիսի գավաթի նման)։
Այս տարի հավաքականի կազմում հանդես է գալիս նաև Հայաստանի ուժեղագույն թենիսիստուհի Էլինա Ավանեսյանը: Հավաքականի կազմում ընդգրկված են նաև Անի Ամիրաղյանը և Ալինա Սողոմոնյանը, իսկ թիմում ամենաերիտասարդը Մարիա Ազիզյանն է, որը օգոստոսին կդառնա 15 տարեկան:
Հավաքականի գլխավոր մարզիչը Գայանե Մովսիսյանն է: