Օգոստոսի 9-ին կայանալիք «Փյունիկ» — «Վան» հանդիպման պատվավոր հյուրը կլինի հայ ըմբիշ Ջանես Նազարյանը։
Ինչպես հայտնում է երևանյան ակումբի մամուլի ծառայությունը, Բաքվում կայացած մինչև 17 տարեկանների աշխարհի առաջնությունում ոսկե մեդալ նվաճած և աշխարհի կրկնակի չեմպիոն դարձած մարզիկը կմասնակցի հանդիպման մեկնարկի հանդիսավոր արարողությանը և կկատարի խաղի առաջին խորհրդանշական հարվածը։
Հիշեցնենք, որ «Փյունիկ» — «Վան» հանդիպումը կկայանա օգոստոսի 9-ին՝ ժամը 17:00-ին, Ավանի ֆուտբոլի ակադեմիայում։