Օգոստոսի 6-ին Տավուշի մարզպետ Հայկ Ղալումյանին տեղեկատվական հարցում եմ արել․ «Տավուշի մարզի դերը խաղաղության խաչմերուկ նախագծում» վերնագրով հարցազրույցում դուք նշել եք, որ Տավուշի մարզի 65 բնակավայրերից 46-ը սահմանամերձ են։ Խնդրում եմ հատ առ հատ նշել մարզի 65 բնակավայրերը և սահմանամերձ 46 բնակավայրերը»։
Մարզպետի աշխատակազմի գլխավոր քարտուղար Արման Գևորգյանի ստորագրությամբ պատասխանում գրված է․ «ՀՀ կառավարության 1998 թվականի նոյեմբերի 17-ի թիվ 713 որոշման համաձայն ՀՀ Տավուշի մարզի 65 բնակավայրերից 46-ը սահմանամերձ են»։
Նիկոլ Փաշինյանի դասընկեր, նրա ամուսնության քավոր, 2021թ․ ապրիլի 8-ին Տավուշի մարզպետ նշանակված Հայկ Ղալումյանը չի կարողացել նշել Տավուշի 65 և սահմանամերձ 46 բնակավայրերը, որովհետև Տավուշի մարզի բնակավայրերը միշտ եղել են 62-ը։