Author: Julbaz

Կառավարությունն այսօրվա նիստում գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատեց «Մոտա-Էնջիլ Մայնինգ Կովկաս» սահմանափակ պատասխանատվությամբ ընկերությանը։

«Այս ընկերության կողմից ներկայացված ներդրումային ծրագիրը իրականացվում է «Լիդիան Արմենիա» ՓԲԸ-ի հետ կնքված արդյունահանման ծառայությունների պայմանագրի շրջանակներում, որը վերաբերում է Ամուլսարի ոսկու հանքի շահագործմանը։ Ըստ պայմանագրի` «Մոտա-Էնջիլ Մայնինգ Կովկաս» ՍՊ ընկերությունը հանդիսանում է այնպիսի արդյունաբերական աշխատանքների հիմնական կատարող, ինչպիսիք են պայթեցման աշխատանքները, արդյունահանումը, թափոնների և հանքաքարի հեռացումն ու տեղափոխումը։

Ծրագիրն իրականացվելու է ՀՀ Ամուլսարի ոսկու հանքավայրում։ Ընկերությունը հիմնադրվել է 2025 թվականին։

Ծրագրի շրջանակներում նախատեսվում է իրականացնել 81․4 մլրդ դրամի կապիտալ ներդրում սարքավուոմների ձեռքբերման համար (ներառում է նաև ներմուծվող ապրանքների արժեքը)։

Ներկայումս առկա է 250 աշխատատեղ՝ 1․1 մլն դրամ միջին ամսական աշխատավարձով։ Ներդրումային ծրագրի շրջանակներում, մինչև 2027 թվականը ընկած ժամանակահատվածում, նախատեսվում է աշխատատեղերի թվաքանակը հասցնել մինչև 475-ի՝ 1․1 մլն դրամ միջին ամսական աշխատավարձով։

Արտոնություն ստանալու համար ներկայացված ապրանքների արժեքը կազմում է 72․5 մլրդ դրամ: Մաքսատուրքից ազատման արտոնությունը գնահատվում է 3․7 մլրդ դրամ»- նշված է հիմնավորման մեջ։

ԱՄՆ-ի կողմից ծովային շրջափակումը սպառնալիք է ներկայացնում ամբողջ աշխարհի համար, հայտարարել է Իրանի նախագահ Մասուդ Փեզեշքիանը։

«Ծովային շրջափակում և սահմանափակումներ մտցնելու ցանկացած փորձ խախտում է միջազգային իրավունքը, սպառնալիք է ներկայացնում տարածաշրջանի երկրների և ժողովուրդների շահերի, ինչպես նաև խաղաղության և համաշխարհային կայունության համար և դատապարտված է ձախողման», – ասել է Փեզեշքիանը Իրանում Պարսից ծոցի օրվա կապակցությամբ։

Նա հավելել է, որ Պարսից ծոցի տարածաշրջանը միակողմանի կամքի պարտադրման վայր չէ, այլ միջազգային փոխգործակցության համակարգի մի մասն է, հաղորդում է նրա մամուլի ծառայությունը:

ԱՄՆ նախագահ Դոնալդ Թրամփն ավելի վաղ հայտարարել է, որ մտադիր է շարունակել Իրանի ծովային շրջափակումը, մինչև Թեհրանը լիովին չհրաժարվի իր միջուկային ծրագրից։