Category: Hraparak

ՀՀ, ք․ Երևան Մաշտոց 4, բն 41

“HRAPARAK DAILY”
Limited Liability Company (LLC)

apt. 41, 4 Mesrop Mashtots Ave 0010 Yerevan, Armenia

Director: Armine
Ohanyan

Սիրելի՛ հայրենակիցներ,

Այսօր կարևոր օր է մեր երկրի համար։ Կոչ եմ անում բոլոր նրանց, ովքեր դեռ չեն մասնակցել քվեարկությանը, օգտվել իրենց սահմանադրական իրավունքից և կատարել իրենց քաղաքացիական պարտքը։

Յուրաքանչյուր քվե կարևոր է, քանի որ հենց քաղաքացիների ակտիվ մասնակցությամբ է ձևավորվում մեր երկրի վաղվա օրը։ Ձեր ձայնը հնարավորություն է ազդելու՝ կայացվող որոշումների վրա և մասնակցելու Հայաստանի ապագայի կերտմանը։
Մնացել է ընդամենը մի քանի ժամ. կատարե՛ք ձեր ընտրությունը հանուն ուժեղ, զարգացող և բարեկեցիկ Հայաստանի։

Դավիթ Ղազինյան

ՀՀ երրորդ նախագահ Սերժ Սարգսյանի ճեպազրույցի շեշտադրումները.

«Ես եկել եմ այստեղ քվեարկելու, որպեսզի հաղթի այն Հայաստանը, որն ի վիճակի է պահել իր սահմանների անձեռնմխելիությունը, ապահովել իր քաղաքացիների անվտանգությունը, իրավունքներն ու ազգային արժանապատվությունը»։
«Այն Հայաստանի օգտին, որտեղ սուտն ու զրպարտությունը դատապարտելի են, իսկ ակտիվ քաղաքական կեցվածքը՝ գնահատելի»։
«Այն Հայաստանի օգտին, որտեղ իշխանությունները չեն կախում ընդդիմադիրների վրա տխրահռչակ փողերի լվացում հոդվածը»:
«Շատ եմ ցանկանում, որ լինի ազգային համախմբում, որ երկրում ճնշող մթնոլորտը վերանա, որպեսզի մարդիկ կարողանան իրենց կարծիքն ազատ արտահայտել»։
«Եթե գոնե 10%-ով ավելին գան ընտրատեղամասեր, քան 2021 թվականին, ապա ես կհամարեմ, որ մեր որոշումն (ՀՀԿ-ի չմասնակցելու մասին) արդարացված էր»։
«Ես բոլորին խնդրում եմ մասնակցել ընտրություններին, որովհետև իրենց մասնակցությունից է կախված, թե Հայաստանում որ քաղաքական ուժը կլինի իշխանության»։
«Երբեք մեր իշխանության օրոք այսպիսի միջամտություններ ընտրություններին չեն եղել»։
«Ես այսպիսի քարոզարշավ չեմ տեսել»։
«Սա ուղղակի աննախադեպ միջամտություն է, պետական ռեսուրսների աննախադեպ մսխում»:
«Եթե քվեարկության արդյունքներով ընդդիմադիր ուժերը հաղթեն, որևէ մեկը չի կարող այդ ընդդիմադիր ուժերից իրենց ձայները խլել»։
«Մեր մոտեցումը կլինի պաշտպանել ընդդիմադիր ուժերից ամենաշատ ձայն ստացածների դիրքորոշումը»։
«Նրանք, ովքեր վերահսկում էին ընտրությունները, այսօր աչքերը փակել են, որովհետև իրենց ղեկավարները կոնկրետ նպատակ ունեն, և այդ նպատակի համար ամենաբարձր մակարդակով մեծ ջանքեր են գործադրել՝ հրապարակավ, առանց որևէ բան թաքցնելու։ Այդ դեպքում նրանք ինչո՞ւ պիտի ինչ-որ բան նկատեն։
«Զենքը ցուցադրելու համար չէ՝ կռվելու համար է»։
«Ցուցադրված զենքերից ո՞րն է ավելի ժամանակակից և հզոր՝ դա՞, թե՞ «Իսկանդերը»»:
«Ակնհայտ է, չէ՞, որ դա ոչ թե զորահանդես էր, այլ ինչ-որ մի ցուցադրություն, որպեսզի արդարացնեն այն ահռելի թվերը, որ մենք տեսնում ու լսում էինք՝ իբր գումարների տեսքով հատկացված պաշտպանության նախարարությանը»։

Լրագրող Սյուզի Բադոյանը գրել է․

«Լիճք գյուղում դաժան ծեծի է ենթարկել Նաիրի Հոխիկյանի եղբայր Լեւոնը| ՔՊ-ականների կողմից
ԼԻՃՔԻ ՔՊ-ԱԿԱՆ գյուղապետն Սիրեկանն է կազմակերպել ծեծը , իսկ միջադեպը ծագել է Լեւոնի կողմից հանձնաժողովականներին նկատողություն անելուց հետո, ինքը վստահված անձ է ` ընդդիմադիր ուժի կողմից։
Լեւոնի հետ հաշվեհարդար են տեսել գյուղամեջում` գյուղապետ Սիրականյանի հրահանգով։
Ինձ հայտնեցին, որ ծեծի ենթարկված Լեւոնին տեղափոխել են հիվանդանոց
Ավելի ուշ մանրամասներ կհայտնեմ»։

Քիչ առաջ Նուբարաշեն ՔԿՀ-ում ընտրություն է կատարել Արթուր Օսիպյանը․ հայտնում է «Հետք»-ը։

Արդեն 21 օր Օսիպյանը հացադուլի մեջ է։ Հարցին, թե ինչպես է իրեն զգում, պատասխանել է՝ հոյակապ։ ՔԿՀ աշխատակիցները չթույլատրեցին նրան այլ հարցեր տալ։