Category: TopNews.am

ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվում է ընկերության կողմից առանձնապես խոշոր չափերով՝ 1 մլրդ 137 մլն 16 հզր 645 ՀՀ դրամի հարկեր չվճարելու առերևույթ դեպքի առթիվ նախաձեռնված քրեական վարույթը:

Նախաքննության ընթացքում ձեռք բերված բավարար ապացույցների հիման վրա ընկերության տնօրեն Ա.Դ.-ի և ընկերության 100 տոկոս մասնակից և իրական շահառու Հ.Գ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 290-րդ հոդվածի 3-րդ մասի 1-ին և 2-րդ կետերով (մի խումբ անձանց կողմից նախնական համաձայնությամբ, առանձնապես խոշոր չափերով հարկեր չվճարելը):

Ա.Դ.-ի նկատմամբ որպես խափանման միջոց կիրառվել է տնային կալանքը, 15 մլն ՀՀ դրամի չափով գրավը և բացակայելու արգելքը, իսկ Հ.Գ.-ն կալանավորվել է:

Քրեական վարույթի նախաքննությունը շարունակվում է։

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Լատվիայի արտաքին գործերի նախարար Բայբա Բրաժեն շնորհավորել է Արարատ Միրզոյանին Հայաստանի արտաքին գործերի նախարարի պաշտոնում վերանշանակվելու առթիվ։

«Շնորհավորում եմ Արարատ Միրզոյանին Հայաստանի արտաքին գործերի նախարարի պաշտոնում վերանշանակվելու առթիվ։ Ակնկալում եմ Ձեզ հետ աշխատանքի շարունակականությունը՝ մեր երկկողմ հարաբերությունները խորացնելու և մեր համագործակցությունը զարգացնելու ուղղությամբ՝ ի շահ մեր երկրների»,- գրել է նախարարը։ 

Ամերիկացի երգչուհի և դերասանուհի Արիանա Գրանդեն հայտարարել է, որ հանրային կյանքից ժամանակավորապես հեռանալու որոշումը «ոչ հապճեպ էր, ոչ էլ որևէ իրավիճակի արձագանք»։ Նա այդ մասին հայտնել է Չիկագոյում կայացած «Eternal Sunshine Tour» շրջագայության համերգի ժամանակ՝ նշելով, որ այդ քայլը վաղուց էր մտածել և ծրագրել։

«Երբեմն մարդիկ իսկապես ընդմիջման կարիք ունեն, և անհրաժեշտ է առժամամանակ դադար վերցնել», – ասել է արտիստուհին՝ հավելելով, որ որոշումը կայացրել է հանգիստ և գիտակցված կերպով։

Երգչուհու ներկայացուցիչը հայտնել էր, որ շրջագայության ավարտից հետո նա պատրաստվում է վերցնել «վաստակած դադար»՝ վերջին տարիներին իր հասցեին եղած մշտական հանրային ուշադրության և քննարկումների ֆոնին։ Գրանդեի շրջագայությունը կավարտվի սեպտեմբերի 1-ին՝ Լոնդոնում նախատեսված 10 համերգից հետո։ Դրանից հետո նա նաև չի մասնակցի Լոնդոնի Բարբիկան կենտրոնում նախատեսված «Sunday in the Park with George» մյուզիքլի բեմադրությանը։

Վերջին տարիներին երգչուհու արտաքին տեսքն ու առողջության վերաբերյալ թեմաները հաճախ դարձել են հանրային քննարկումների առիթ։ Նրա որոշման հրապարակումից հետո երկրպագուները սոցիալական ցանցերում աջակցություն են հայտնել նրան։

Շուրջ 1600 դանիացի նորակոչիկներ օգոստոսի 3-ին սկսել են երկրի նոր՝ երկարացված պարտադիր զինվորական ծառայությունը՝ անցնելով 11-ամսյա ծառայության։ Ինչպես հաղորդում է Reuters-ը, Դանիան արագացնում է իր պաշտպանական կարողությունների զարգացումը՝ պայմանավորված Արկտիկայի անվտանգության հետ կապված ճնշումներով և Ուկրաինայում շարունակվող պատերազմով։

Դանիան 2024 թվականին հայտարարել էր, որ առաջին անգամ պարտադիր զինվորական ծառայությունը կտարածի նաև կանանց վրա և կավելացնի ծառայության ստանդարտ ժամկետը՝ չորս ամսից հասցնելով 11 ամսի։ Միաժամանակ նախատեսվում է, որ նորակոչիկների թիվը մինչև 2033 թվականը տարեկան կավելանա՝ հասնելով 7,500-ի՝ ներկայիս 5,000-ի փոխարեն։

Նորակոչիկների այս խումբը համալրվում է այն ժամանակ, երբ Դանիան պատրաստվում է այս ամսվա վերջին առաջին անգամ զորակոչիկներ տեղակայել Գրենլանդիայում։ Ավելի քան 100 զինվորից բաղկացած ստորաբաժանումը մեկ ամիս կծառայի այնտեղ՝ ստանձնելով օպերատիվ առաջադրանքներ, որոնք մինչ այժմ իրականացնում էին պրոֆեսիոնալ զինծառայողները։

Reuters-ը գրում է, որ այս տեղակայումը լրացուցիչ քաղաքական նշանակություն ունի, քանի որ ԱՄՆ նախագահ Դոնալդ Թրամփը բազմիցս հայտարարել է կիսաինքնավար դանիական այդ տարածքը միացնելու իր ցանկության մասին՝ դա հիմնավորելով ազգային անվտանգության նկատառումներով։ Այդ պահանջը կտրականապես մերժվել է Գրենլանդիայի և Դանիայի կառավարությունների կողմից։

Դանիայի վարչապետ Մետտե Ֆրեդերիկսենն անցյալ ամիս Անկարայում կայացած ՆԱՏՕ-ի գագաթնաժողովի ժամանակ հայտարարել էր, որ իր երկիրը պատրաստ է պաշտպանել դաշինքի տարածքի յուրաքանչյուր թիզը՝ «ներառյալ սեփական տարածքը»։

Սոցիալական ցանցերը վերջին տարիներին դարձել են ոչ միայն հաղորդակցության, այլև քաղաքական, հասարակական և տեղեկատվական գործընթացների կարևոր գործիք։ Սակայն դրանց ազդեցության աճին զուգահեռ մի շարք երկրներ սկսել են սահմանափակումներ կիրառել տարբեր հարթակների նկատմամբ։

Ամենաշատ քննարկվող օրինակներից մեկը Tik Tok-ն է։ Մի շարք երկրներ սահմանափակել են դրա օգտագործումը պետական սարքերում՝ պատճառաբանելով տվյալների անվտանգության և ազգային անվտանգության հետ կապված մտահոգություններով։ Հնդկաստանը 2020 թվականին ամբողջությամբ արգելել է Tik Tok-ը՝ չինական մի շարք այլ հավելվածների հետ միասին։

Սակայն սոցիալական ցանցերի նկատմամբ վերահսկողությունը միայն Tik Tok-ով չի սահմանափակվում։ Տարբեր երկրներ սկսել են քննարկել նաև անչափահասների մուտքը սոցիալական հարթակներ՝ նշելով, որ խնդիրներ են ստեղծում կիբերբուլինգը, վնասակար բովանդակությունը և սոցիալական ցանցերի ազդեցությունը երեխաների հոգեբանական վիճակի վրա։

Ավստրալիան դարձել է առաջին երկրներից մեկը, որը սահմանափակել է մինչև 16 տարեկանների մուտքը մի շարք սոցիալական հարթակներ։ Նմանատիպ նախաձեռնություններ քննարկվել են նաև եվրոպական որոշ երկրներում։

Միևնույն ժամանակ, սոցիալական ցանցերի սահմանափակումները քննադատվում են իրավապաշտպան կազմակերպությունների և տեխնոլոգիական ոլորտի ներկայացուցիչների կողմից։ Նրանց կարծիքով՝ անվտանգության խնդիրների լուծումը չպետք է հանգեցնի խոսքի ազատության սահմանափակմանը կամ համացանցի նկատմամբ չափազանց մեծ վերահսկողության։

Նման քննարկումներ ժամանակ առ ժամանակ տեղի են ունեցել նաև Հայաստանում։ 2020 թվականի պատերազմի ընթացքում սոցիալական ցանցերի դերը դարձավ հատկապես զգայուն թեմա․ անվտանգության ռիսկերի և ապատեղեկատվության տարածման մտահոգությունների ֆոնին շրջանառվում էին տեսակետներ, որ անհրաժեշտ է սահմանափակել որոշ հարթակների, այդ թվում՝ Tik Tok-ի օգտագործումը։

Պատերազմի առաջին օրերին օգտատերերը հայտնել էին TikTok-ի աշխատանքի խափանումների մասին․ որոշ օգտատերերի մոտ հնարավոր չէր ներբեռնել տեսանյութեր կամ դիտել արդեն հրապարակված բովանդակությունը։ Սակայն հավելվածի պաշտոնական արգելափակման մասին իշխանությունները հայտարարություն չէին տարածել։

Վերջին տարիներին նաև ակտիվացել են քննարկումները անչափահասների շրջանում որոշ հավելվածների օգտագործումը սահմանափակվելու հետ կապված։  Հարցի ուսումնասիրության նպատակով, դեռ ամիսներ առաջ, ստեղծվել է միջգերատեսչական աշխատանքային խումբ։  Աշխատանքային խումբն ուսումնասիրում է տարբեր երկրների փորձը՝ հասկանալու, թե ինչպիսի սահմանափակումներ են գործում։ 

Այսպիսով, սոցիալական ցանցերի նկատմամբ որոշակի կարգավորումները դարձել են անհրաժեշտություն՝ հաշվի առնելով դրանց ազդեցությունն ու հնարավոր ռիսկերը։ Սակայն մյուս կողմից կարևոր է զգուշավոր մոտեցումը, որպեսզի կարգավորումները չվերածվեն ազատ տեղեկատվական հոսքերի սահմանափակման կամ արգելափակումների գործիքի։

Top news

Իլոն Մասկը հայտարարել է, որ առաջիկա 6-12 ամիսների ընթացքում ընկերությունը կտեղադրի առաջին իմպլանտները, որոնք թույլ կտան տեսողություն վերադարձնել նույնիսկ ի ծնե լիովին կույր մարդկանց՝ տեղեկատվությունն ուղղակիորեն գլխուղեղի տեսողական կեղև փոխանցելու միջոցով։ 

Նոր համակարգը չի փորձում վերականգնել վնասված աչքերն ու տեսողական նյարդը. սարքը պատկերը ստանում է արտաքին տեսախցիկից, այն վերածում է էլեկտրական ազդանշանների և ուղղակիորեն հաղորդում ուղեղ, որտեղ դրանք վերծանվում են որպես տեսողական տեղեկատվություն։

Մինչ Մասկը հեռանկարում խոսում է նաև «սուպերտեսողության» և ինֆրակարմիր ու ուլտրամանուշակագույն տիրույթներում տեսնելու հնարավորությունների մասին, գիտնականները կոչ են անում չշտապել եզրակացություններ անել։ 

Մասնագետները նշում են, որ եթե մանկության տարիներին տեսողական կեղևը պատշաճ կերպով չի ձևավորվել, լիարժեք տեսողության վերականգնումը կարող է չափազանց բարդ լինել, իսկ ինֆրակարմիր կամ ուլտրամանուշակագույն ճառագայթման ընկալումը դեռևս որևէ կլինիկական հետազոտությամբ չի ապացուցվել։