Category: TopNews.am

Լեհաստանի վարչապետ Դոնալդ Տուսկը հայտարարել է, որ երկիրը ցանկանում է Կիևի օգնությամբ ստեղծել «անօդաչուների արմադա»։ Այս հայտարարությունը հնչել է ՌԴ պաշտպանության նախարարության կողմից եվրոպական ձեռնարկությունների՝ Ուկրաինայի համար ԱԹՍ-ներ արտադրող ցուցակի հրապարակման ֆոնին։

Ուկրաինայի փոխվարչապետ, էկոնոմիկայի նախարար Յուլյա Սվիրիդենկոյի հետ հանդիպման ժամանակ Տուսկը նշել է. «Անօդաչուների արմադա կառուցելու լեհական ծրագիրը կլինի մի նախագիծ, որին կաջակցի նաև Կիևը»։

Վարչապետի խոսքով՝ անօդաչու սարքերը ստեղծվելու են ինչպես լեհական, այնպես էլ եվրոպական միջոցների հաշվին։

Լոնդոնի «Տոտենհեմի» և Նիդերլանդների ազգային հավաքականի կիսապաշտպան Խավի Սիմոնսը հայտնել է, որ ստացել է լուրջ վնասվածք, որի պատճառով ստիպված կլինի բաց թողնել 2026 թվականի Աշխարհի առաջնության եզրափակիչ մրցաշարը։

Այս ամռանը ներկայացնել իմ երկիրը… այս հնարավորությունն այլևս բաց է թողնված: Ժամանակ կպահանջվի սրա հետ համակերպվելու համար, բայց ես կշարունակեմ լինել լավագույն թիմակիցը, որքան որ կարող եմ: Չեմ կասկածում, որ միասին մենք կհաղթենք այս ճակատամարտում: Ես կանցնեմ այս ճանապարհը՝ առաջնորդվելով հավատով, ուժով, համառությամբ և վստահությամբ՝ հաշվելով օրերը մինչև խաղադաշտ վերադառնալս: Համբերատար եղեք իմ հանդեպ»:

Սիմոնսը ծնկի խաչաձև կապանի վնասվածք է ստացել Անգլիայի Պրեմիեր լիգայի 34-րդ տուրի՝ «Վուլվերհեմփթոնի» դեմ կայացած հանդիպման ժամանակ (1:0): Նա փոխարինվել է 63-րդ րոպեին, ընդ որում՝ ֆուտբոլիստին խաղադաշտից դուրս են բերել պատգարակով:

Վարչապետի աշխատակազմի ղեկավար, Եվրոպական քաղաքական համայնքի 8-րդ գագաթնաժողովի կազմակերպման հանձնաժողովի նախագահ Արայիկ Հարությունյանը Կարեն Դեմիրճյանի անվան մարզահամերգային համալիրում ծանոթացել է մայիսի 4-ին տեղի ունենալիք Եվրոպական քաղաքական համայնքի (EPC) 8-րդ գագաթնաժողովի կազմակերպական աշխատանքներին:

Արայիկ Հարությունյանը շրջել է գագաթնաժողովի անցկացման սրահներով, տեղում ծանոթացել իրականացված և ընթացիկ նախապատրաստական աշխատանքներին: Վարչապետի աշխատակազմի ղեկավարին ներկայացվել են գագաթնաժողովին ընդառաջ ենթակառուցվածքային և տեխնիկական հագեցվածության, լոգիստիկ հասանելիության ապահովման և այլ ուղղություններով կատարված աշխատանքները:

Վարչապետի աշխատակազմի ղեկավարը կարևորել է գագաթնաժողովի պատշաճ մակարդակով կազմակերպումն ու անցկացումը և տվել համապատասխան հանձնարարականներ աշխատանքների ամփոփման ուղղությամբ:

Երևանի քաղաքապետի տեղակալ Լևոն Հովհաննիսյանն այցելել է Երևանի պատվավոր քաղաքացի, ՀՀ ժողովրդական նկարիչ Ռոբերտ Էլիբեկյանին։

Նա շնորհավորել է անվանի նկարչին 85-ամյա հոբելյանի առթիվ՝ հղելով լավագույն բարեմաղթանքները։ Կարևորելով Ռոբերտ Էլիբեկյանի դերն ու արվեստի բնագավառում թողած նշանակալի ժառանգությունը՝ քաղաքապետի տեղակալը նշել է, որ Երևանի պատվավոր քաղաքացիները մշտապես Երևանի քաղաքապետարանի ուշադրության կենտրոնում են։

Ծանրամարտի կանանց ընտրանու գլխավոր մարզիչ Արտաշես Ներսիսյանն ամփոփում է Եվրոպայի առաջնության արդյունքները։

Մանրամասները՝ տեսանյուըթում։

«Իմ քայլը» հիմնադրամի գործադիր տնօրեն Աննա Հակոբյանը այսօր հրավիրած ասուլիսի ժամանակ հայտարարել է Դանիել Իոաննիսյանի և «Անկախ դիտորդ»-ի գործողությունների դեմ իրավապահ մարմիններին հաղորդում ներկայացնելու մտադրության մասին։ Նա նշել է, որ իր դեմ իրականացվում է թիրախավորված արշավ, որը խախտում է տարբեր օրենքներ և միջազգային կոնվենցիաներ, ներառյալ՝ մարդու իրավունքների և անձնական կյանքի անձեռնմխելիության հետ կապված դրույթները։

Աննա Հակոբյանը պնդում է, որ Իոաննիսյանի և նրա ներկայացրած կառույցի գործողությունները դուրս են իրավական վերահսկողության սահմաններից և վերածվել են իրավունքների կոպիտ խախտման։

Դանիել Իոաննիսյանը ավելի վաղ հայտարել էր, որ «Անկախ դիտորդը» դիմել է դատարան՝ պահանջելով Աննա Հակոբյանին պատասխանատվության ենթարկել 15 տարբեր դրվագներով, որոնք վերաբերում են նախընտրական փուլում «Իմ քայլը» հիմնադրամի գործունեությանը։

Այս իրավական վեճը տեղի է ունենում 2026 թվականի խորհրդարանական ընտրությունների նախաշեմին, երբ ակտիվ քննարկվում է բարեգործական հիմնադրամների դերը քաղաքական գործընթացներում։

«Մանչեսթեր Սիթիի» վինգեր Ջեք Գրիլիշը, որը ներկայումս վարձավճարով հանդես է գալիս «Էվերթոնում», հերթական անգամ հայտնվել է սկանդալային միջադեպի կենտրոնում: Ըստ բրիտանական The Sun պարբերականի՝ ֆուտբոլիստը ընկերների հետ հանգստանալիս քնել է Մանչեսթերի բարերից մեկի տանիքին։

Սակայն, չնայած վերականգնողական պրոցեսին, ավելի ուշ նրան կրկին նկատել են տարբեր միջոցառումների և խնջույքների ժամանակ։ Մասնավորապես, նա «Էվերթոնի» դարպասապահ Ջորդան Փիքֆորդի հետ մեկնել էր Հռոմ՝ նշելու վերջինիս կնոջ ծննդյան տարեդարձը։

Գրիլիշը վաղուց հայտնի է որպես խնջույքների և աղմկոտ հավաքույթների սիրահար. նախկինում ևս նա աչքի է ընկել թանկարժեք երեկույթների կազմակերպմամբ և խաղադաշտից դուրս իր ապրելակերպի պատճառով հաճախ դարձել տաբլոիդների գլխավոր հերոսը։

«Վեոլիա ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող աշխատանքներով պայմանավորված, ապրիլի 27-ին՝ ժամը 11:00-ից մինչև ապրիլի 28-ը ժամը 23:00-ն, կդադարեցվի Արմավիրի մարզի Մեծամոր քաղաքի 1-ին թաղամասի բաժանորդների ջրամատակարարումը:

Հյուսիսային Կորեայում պաշտոնապես բացվել է հուշահամալիր-թանգարան՝ նվիրված այն զինվորներին, ովքեր զոհվել են Ռուսաստանի Կուրսկի մարզում ուկրաինական ուժերի դեմ մարտերում։ Արարողությունը տեղի է ունեցել Կուրսկի շրջանի «ազատագրման» գործողության մեկամյակի կապակցությամբ։

Միջոցառմանը ներկա են եղել Հյուսիսային Կորեայի առաջնորդ Կիմ Չեն Ընը և ռուսաստանյան բարձրաստիճան պաշտոնյաներ, այդ թվում՝ Պետդումայի նախագահ Վյաչեսլավ Վոլոդինը և Պաշտպանության նախարար Անդրեյ Բելոուսովը։ 

Կիմ Չեն Ընը զոհված զինվորներին անվանել է «կորեական հերոսության խորհրդանիշ» և հայտարարել, որ Փհենյանը լիակատար աջակցություն է հայտնում Մոսկվային՝ ընդդեմ Արևմուտքի «ռազմական արկածախնդրության»։

Հարավային Կորեայի հետախուզության տվյալներով՝ Հյուսիսային Կորեան Ռուսաստան էր գործուղել շուրջ 15,000 զինվորական, որոնցից մոտ 2,000-ը զոհվել են։ Արարողության ընթացքում հայտնի է դարձել նաև, որ Ռուսաստանն ու Հյուսիսային Կորեան պատրաստվում են ստորագրել ռազմական համագործակցության նոր պլան՝ նախատեսված 2027-2031 թվականների համար՝ էլ ավելի ամրապնդելով երկկողմ ռազմավարական գործընկերությունը։