Category: TopNews.am

ՀՀ վարչապետ Նիկոլ Փաշինյանը ԿԳՄՍ նախարար Ժաննա Անդրեասյանի ուղեկցությամբ այսօր այցելել է Հայոց ցեղասպանության զոհերի հուշահամալիր, ծանոթացել իրականացված և ընթացիկ հիմնանորոգման ու բարեկարգման աշխատանքներին: 2024 թ․ դեկտեմբերից մեկնարկած ծրագրի ընդհանուր արժեքը կազմում է 973 մլն 736 հազար դրամ։

Ժաննա Անդրեասյանը ներկայացրել է կատարված հիմնական աշխատանքները՝ ընդգծելով, որ դրանք եղել են իր անմիջական ուշադրության կենտրոնում: Հիմնանորոգման աշխատանքների ընթացքում նախարարն ամենշաբաթյա այցեր է կատարել հուշահամալիր՝ աշխատանքներին հետևելու նպատակով: Նշվել է, որ հուշահամալիրի բարեկարգման առաջին փուլի աշխատանքներն ավարտվել են սահմանված ժամկետներում՝ հաշվի առնելով հուշարձանի նորոգման մասնագիտական բոլոր պահանջները։

Հիմնանորոգվել են կենտրոնական, արևմտյան և արևելյան մասնաշենքերը, ինչպես նաև հավերժության տաճարի մույթերը։

Անցկացվել է ջրահեռացման նոր համակարգ, իրականացվել է մույթերի և հուշապատի հիմքերի ջրամեկուսացում։ Մաքրվել է նախկին քայքայված ջրամեկուսիչ շերտը, մույթերի քայքայված բետոնե հիմնակմախքի ամրակայումն ու ջրամեկուսացումն իրականացվել են հատուկ ժամանակակից նյութերով։ Փոխվել են թիկնամասերի և կողաճակատների սալերը, մույթերին հարող հատվածում նոր սալահատակներ են տեղադրվել։

Հուշապատի երկայնքով նոր ճեմուղի է կառուցվել, իրականացվել է հուշահամալիրի կանաչապատ գոտու բարեկարգում, ինչպես նաև ոռոգման ցանցի հիմնանորոգում։

Հայոց ցեղասպանության զոհերի հուշահամալիրի բարեկարգման նախագիծը քննարկվել և հաստատվել է ԿԳՄՍ նախարարությանը կից գիտամեթոդական խորհրդի նիստում, աշխատանքների ողջ ընթացքում նախագծող ճարտարապետական խումբն իրականացրել է հեղինակային վերահսկողություն։

Միաժամանակ, արդեն իսկ իրականացվել են թանգարան-ինստիտուտի արևմտյան մասնաշենքի հարթ տանիքի ծածկի գոյություն ունեցող շերտերի քանդման, քայքայված և վնասված բազալտե սալերով երեսպատված շերտերի և բազալտե թասակների ապամոնտաժման, տանիքի ծածկի ջրամեկուսացման, պարապետների բազալտե սալերով երեսպատման, բազալտե թասակների տեղադրման աշխատանքները։

Հայոց ցեղասպանության զոհերի հիշատակի օրը՝ ապրիլի 24-ին, հուշահամալիրը բաց կլինի բոլոր այցելուների համար։ Նորոգման աշխատանքների ողջ ընթացքում թանգարանը միշտ բաց է եղել։

Համաշխարհային բանկը հրապարակել է Հայաստանի ապրիլ ամսվա տնտեսական զարգացման ամփոփագիրը, որը հասանելի է նաև Համաշխարհային բանկի կայքում՝ անգլերեն և հայերեն։

Ռուսաստանը պատրաստ է ցուցաբերել ցանկացած անհրաժեշտ աջակցություն՝ ԱՄՆ-ի և Իրանի միջև հակամարտության խաղաղ կարգավորմանը հասնելու համար․ հայտարարել է ՌԴ նախագահի մամուլի քարտուղար Դմիտրի Պեսկովը։ «Այս պահին Ռուսաստանի Դաշնությունը չի հանդիսանում բանակցային գործընթացի միջնորդ։ Սակայն, ինչպես բազմիցս հայտարարվել է տարբեր մակարդակներում, մենք պատրաստ ենք ցուցաբերել ցանկացած պահանջված աջակցություն՝ խաղաղ կարգավորման հասնելու և համապատասխան համաձայնագիր կնքելու նպատակով»,- նշել է նա։

Միաժամանակ Պեսկովը հույս է հայտնել, որ Իրանի և ԱՄՆ-ի միջև բանակցությունները կշարունակվեն, և հակամարտությունը չի վերածվի ուժային սցենարի։ «Հուսով ենք, որ բանակցային գործընթացը կշարունակվի, և այդ կերպ հնարավոր կլինի խուսափել իրադարձությունների հետագա զարգացումից ուժային սցենարով»,- ասել է Պեսկովը։

Կրեմլի ներկայացուցիչը նաև ընդգծել է, որ ռազմական հակամարտության շարունակման դեպքում հնարավոր են ավելի ծանր հետևանքներ՝ ինչպես տարածաշրջանային անվտանգության, այնպես էլ համաշխարհային տնտեսության համար։

Իսրայելի արտաքին գործերի նախարար Գիդեոն Սաարը ամոթալի է անվանել Հարավային Լիբանանում Իսրայելի պաշտպանության բանակի զինվորի կողմից Հիսուս Քրիստոսի արձանը վնասելու փաստը։ X-ում արված գրառման մեջ նա մասնավորապես նշել է. «Հարավային Լիբանանում Իսրայելի պաշտպանության բանակի զինվորի կողմից քրիստոնեական կրոնական խորհրդանիշի վնասումը լուրջ և ամոթալի է։

Ես բարձր եմ գնահատում Իսրայելի պաշտպանության բանակի հայտարարությունը միջադեպը դատապարտելու և այս հարցի առնչությամբ հետաքննություն անցկացնելու վերաբերյալ։ Վստահ եմ, որ այս տգեղ արարքը կատարողի նկատմամբ կձեռնարկվեն անհրաժեշտ խիստ միջոցներ»։

Նախարարի խոսքով՝ «այս ամոթալի գործողությունը լիովին հակասում է Իսրայելի արժեքներին»։ «Իսրայելը մի երկիր է, որը հարգում է տարբեր կրոններն ու դրանց սրբազան խորհրդանիշները, և պաշտպանում է հավատքների միջև հանդուրժողականությունն ու հարգանքը։ Մենք ներողություն ենք խնդրում այս միջադեպի համար յուրաքանչյուր քրիստոնյայից, ում զգացմունքները վիրավորվել են»,- նշել է նա։

Արձանը, որը մուրճի օգնությամբ վանդալզիմի է ենթարկել իսրայելցի զինվորը, գտնվում է հարավային Լիբանանի Դեբել քրիստոնեական գյուղում՝ Իսրայելի հետ սահմանի մոտակայքում։

Միջազգային իրավունքի և բարոյական առաջնորդության առումով ՀԱՊԿ-ի դերը այսօր պահանջված է, քան երբևէ,- հայտարարել է Ռուսաստանի արտաքին գործերի նախարար Սերգեյ Լավրովը։ «Ես համոզված եմ, որ մենք պահպանում ենք բարոյական առաջնորդությունը միջազգային ասպարեզում, որը միշտ պահանջված է եղել, իսկ այն ավարտից հետո, որն, հուսով եմ, համեմատաբար արագ կլինի, բարոյական առաջնորդությունը կպահանջվի, քան երբևէ»,- ասել է Լավրովը ՀԱՊԿ Խորհրդարանական ասամբլեայի խորհրդի նիստում։

Նրա խոսքով, ՀԱՊԿ-ը չի հեռանալու միջազգային իրավունքի նորմերից և կդիմադրի դրանք խաթարելու փորձերին այն ժամանակ, երբ Արևմուտքը գնալով ավելի հաճախ է դիմում ուժի և նոր գաղութատիրական մեթոդների։ «Այսօրվա պայմաններում, երբ Արևմուտքը գնալով ավելի հաճախ և լայնորեն դիմում է ուժի անօրինական կիրառման, նոր գաղութատիրական դիկտատի և ուղղակի թալանի մեթոդների, ՀԱՊԿ երկրները չեն փոխում և չեն վերանայում իրենց գործունեության նպատակները։ Մենք չենք հեռանալու միջազգային իրավունքի ունիվերսալ նորմերից, հակառակը՝ կդիմադրենք դրանք խաթարելու փորձերին և կդիմադրենք աշխարհում անօրինություն հաստատելու փորձերին»,- ասել է նա՝ ելույթ ունենալով ՀԱՊԿ Խորհրդարանական ասամբլեայի նիստում։

Իրանի նախագահ Մասուդ Փեզեշքիանը հայտարարել է, որ ԱՄՆ-ի հետ լարվածությունը նվազեցնելու համար պետք է օգտագործել բոլոր ռացիոնալ և դիվանագիտական ուղիները։ Սակայն, ըստ նրա, Վաշինգտոնի հետ փոխգործակցության ժամանակ զգոնությունն ու անվստահությունը «անհերքելի անհրաժեշտություն» են։

Իրան-ԱՄՆ երկշաբաթյա հրադադարը լրանում է չորեքշաբթի օրը։ ԱՄՆ-ի ներկայացուցիչները երկուշաբթի կժամանեն Իսլամաբադ՝ Իրանի հետ բանակցությունների համար, մինչդեռ Թեհրանը դեռ չի հայտարարել՝ արդյոք կուղարկի պատվիրակություն Պակիստան։

Իրանական պետական հեռուստատեսությունը մեջբերել է անանուն, բայց տեղեկացված աղբյուրի խոսքերը, համաձայն որոնց՝ բանակցությունների երկրորդ փուլ չի նախատեսվում ԱՄՆ-ի «չափազանցված և անտրամաբանական» պահանջների, ինչպես նաև նրա դիրքորոշման փոփոխության պատճառով։

Հակառակորդները հակամարտության մեջ են Հորմուզի նեղուցի շուրջ, որտեղ Իրանը խստացրել է ծովային տարանցման վերահսկողությունը, մինչդեռ ԱՄՆ-ը շարունակում է արգելափակել Իրանի նավահանգիստները և կիրակի օրը ձերբակալել է նավ, որը փորձել է խախտել ամերիկյան արգելափակումը։

Փեզեշքիանը հայտարարել է, որ ԱՄՆ-ի արգելափակումը ցույց է տալիս, որ Վաշինգտոնը գնում է «նախկին օրինաչափությունները կրկնելու և դիվանագիտությանը դավաճանելու ճանապարհով»։

Անթալիայի դիվանագիտական ​​ֆորումի շրջանակներում Լատվիայի արտաքին գործերի նախարար Բայբա Բրաժեն անդրադարձել է հայ-ադրբեջանական հարաբերություններին:

«Դրանք նշանակալի առաջընթաց են արձամագրում տասնամյակներ տևած հակամարտության ավարտի ճանապարհին։ Լատվիան լիովին աջակցում է Հայաստանի և Ադրբեջանի միջև հարաբերությունների կարգավորման գործընթացին, որի շրջանակներում մենք տեսնում ենք երկու կողմերի շարունակական կառուցողական ներգրավվածությունը։ Լատվիան կարևոր է համարում, որ միջազգային հանրությունը նպաստի և աջակցի այս գործընթացին։ Խաղաղության պայմանագրի ստորագրումը զգալի ներդրում կունենա Հարավային Կովկասի տարածաշրջանում անվտանգության, կայունության, ինչպես նաև բարգավաճման ապահովման գործում: Միաժամանակ այն նոր հնարավորություններ կբացի Եվրոպայի հետ ավելի սերտ համագործակցության համար, այդ թվում ՝ փոխկապակցվածության ոլորտում»,- հայտարարել է արտգործնախարարը։

ԵՄ պատվիրակության ղեկավար, դեսպան Վասիլիս Մարագոսը և ԵՄ պատվիրակության ղեկավարի տեղակալ Թերեզա Վորլովան ապրիլի 20-ին հյուրընկալվել են ՀՀ Կենտրոնական ընտրական հանձնաժողովում։ Այս մասին հայտնում են ԿԸՀ-ից:

Հյուրերին ընդունել է ԿԸՀ նախագահ Վահագն Հովակիմյանը։

Դեսպան Մարագոսը հետաքրքրվել է ընտրությունների նախապատրաստական ընթացքից, ինչպես նաև ԿԸՀ-ի և ՄԱԶԾ-ի համատեղ իրականացվող աշխատանքների ընթացքից։