Month: April 2026

Սլովակիայի Հանրապետության կառավարությունը հայտարարել է 2026-2027 ուսումնական տարվա բակալավրի և մագիստրոսական ծրագրերի համար կրթաթոշակի մրցույթ, որին կարող են դիմել նաև ՀՀ քաղաքացիները:

Կրթաթոշակը նախատեսված է մի շարք առաջնահերթ մասնագիտությունների համար, այդ թվում՝ մանկավարժություն, տնտեսագիտություն, բնապահպանություն, կենսատեխնոլոգիա, ճարտարագիտություն, ՏՏ, բժշկագիտություն, գյուղատնտեսություն, ճարտարապետություն և այլ ոլորտներ:

Մրցույթին կարող են դիմել առցանց եղանակով՝ https://www.vladnestipendia.sk/en/. դիմումների ընդունման վերջնաժամկետը 2026թ. մայիսի 25-ն է:

Կրթաթոշակի մասին մանրամասն տեղեկատվություն կարելի է ստանալ կից ներկայացված նյութից:

Հավելյալ հարցերի դեպքում կարելի է գրել [email protected] էլեկտրոնային հասցեին կամ զանգահարել +421 907 551 404 հեռախոսահամարով կամ տեղեկանալ կից նյութից:

Դիմելու բոլոր պայմաններն ու պահանջվող փաստաթղթերը հասանելի են պաշտոնական կայքում: Ընտրված թեկնածուները պարտավոր են ընդունվելու պահին ներկայացնել փաստաթղթերի բնօրինակները, այդ թվում՝ ՀՀ համապատասխան մարմնի կողմից տրված պաշտոնական երաշխավորագիր:

Իրանն ԱՄՆ-ին առաջարկել է բանակցությունների եռափուլ բանաձև՝ ուղղված հակամարտության դեէսկալացիային։ Ըստ Al Mayadeen-ի՝ Թեհրանը պնդում է քայլերի խիստ հաջորդականություն։ 

Առաջին փուլը պատերազմի լիակատար դադարեցումն է և Իրանի ու Լիբանանի համար անվտանգության իրավական երաշխիքների ստացումը: Միայն դրանից հետո կարելի է անցնել հաջորդ փուլին։

Երկրորդ փուլը ներառում է Հորմուզի նեղուցի քննարկումը՝ Օմանի հետ համակարգված:

Երրորդ փուլը՝ Իրանի միջուկային ծրագրի շուրջ բանակցություններն են։

Սակայն Թեհրանը կոշտ դիրքորոշում է որդեգրել. միջուկային հարցի շուրջ քննարկումները հնարավոր են միայն առաջին երկու պայմանների, այդ թվում՝ անվտանգության երաշխիքների և նեղուցի վերաբերյալ համաձայնագրերի կատարումից հետո։