Month: April 2026

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Թերևս ոչ ոք չի վիճի, որ Նիկոլ Փաշինյանն ու իր խմբակն առաջին հերթին ատում ու նողկում են ազգային յուրաքանչյուր արժեհամակարգի և հատկապես ինքնության նկատմամբ։ Ավելին՝ ամեն գնով ու անբարո վարքագծով նսեմացնում են այդ ազգայինը։
     Այսօր փորձելու եմ ներկայացնել նշածս սեգմենտի սոցիալ-հոգեբանական դիմագիծն ու տալ այն գիտական հիմնավորումը, որով նրանք «տառապում են»։ Մարդկանց այս տեսակի համար հոգեբանության մեջ կա դասական տիպավորում․ խոսքը ռեսենտիմենտի մասին է։ Հենց սա է այն բնորոշումը, որն ամբողջովին արտացոլում է ՀՀ-ում իշխող բռնապետիկների համախտանիշը։
     Ասեմ, որ ռեսենտիմենտ տերմինի մասին առաջին անգամ խոսել է Ֆրիդրիխ Նիցշեն՝ տալով այն տիպիկ բնորոշումը, որն արդեն 8 տարի է՝ տեսնում ենք բոլորս։
     Այս տիպաբանությամբ մարդիկ, ովքեր իրենց ողջ կյանքի ընթացքում ապրել են բարոյապես ճնշված, ունեն կուտակված, երկարատև վիրավորվածություն, նախանձ և անզորության զգացում, որոնք մարդը չի արտահայտում բացահայտ, այլ պահում է իր ներսում։ Ի դեպ՝ ճնշված են եղել նաև ինտելեկտուալ առումով․ կարճ ասած՝ սրանք մարդիկ են, ովքեր զուրկ են արմատներից։ Ավելին՝ այն դեպքում, երբ այս տեսակը ստանում է իշխանություն, ամեն կերպ ոչնչացնում ու քանդում է այն ամենը, ինչը գոյություն է ունեցել մինչև իրեն, այսինքն՝ ինքը չի մասնակցել տվյալ գործընթացին։
     Ի դեպ՝ ռեսենտիմենտն այն վիճակն է, երբ մարդը չի կարողանում անմիջապես արձագանքել իրեն վնասողին (օրինակ՝ հակադարձել կամ պաշտպանվել), և դրա փոխարեն ձևավորում է ներսում թաքնված թշնամանք, որը հետո պոռթկում է։
     Հենց այս տեսակն էլ ատում է արժեքաբանական ու հայի ինքնության հետ ասոցացվող յուրաքանչյուր երևույթ՝ օրինակ Առաքելական եկեղեցին կամ ասենք Արցախը: Նրանց համար սա անընդունելի է՝ իրենք այդ հարցում մասնակցություն չեն ունեցել, դրա համար քանդում ու ավիրում են»։

«Առաջիկայում կշարունակենք ու ավարտին կհասցնենք ՀՀ-ի ու Ադրբեջանի միջև սահմանի սահմանազատումը, օրակարգում ունենք նաև Վրաստանի հետ մեր սահմանի սահմանազատման ամփոփման օրակարգ ու այս մասին արդեն պայմանավորվածություններ ունենք վրաց գործընկերների հետ»,- ԱԱԾ սահմանապահ զորքերի օրվա առթիվ կազմակերպված միջոցառման ժամանակ, իր ելույթում ասել է վարչապետ Նիկոլ Փաշինյանը: «Սրանով, ըստ էության, ՀՀ սահմանների սահմանազատումն ու սահմանագծումը կամփոփվի»,- հավելել է նա:

Թեհրանը Վաշինգթոնին է փոխանցել հակամարտության կարգավորման նոր առաջարկ, որը նախատեսում է ամերիկյան շրջափակման վերացում, Հորմուզի նեղուցի բացում և Իրանի միջուկային ծրագրի հետագա քննարկում: Այս մասին հայտնումԷ Axios-ը՝ հղում կատարելով իր աղբյուրներին։

Աղբյուրների տվյալներով՝ Իրանի ներկայացուցիչները նոր առաջարկը փոխանցել են Պակիստանի միջոցով։ «Նոր առաջարկը նպատակ ունի հաղթահարել բանակցությունների ներկայիս փակուղային իրավիճակը և միջուկային զիջումների մասշտաբների շուրջ տարաձայնությունները, որոնց Իրանի ղեկավարությունը պատրաստ է գնալ՝ ԱՄՆ նախագահ Դոնալդ Թրամփի վարչակազմի հետ գործարքի հասնելու համար»,- գրում է լրատվամիջոցը:

Նշվում է, որ Իրանի առաջարկը «կենտրոնացած է առաջին հերթին Հորմուզի նեղուցի և ամերիկյան շրջափակման շուրջ ճգնաժամի կարգավորման վրա»: Ենթադրվում է, որ կողմերը պետք է երկարաձգեն հրադադարի ռեժիմը «երկար ժամանակով կամ համաձայնեն մշտական հիմունքներով դադարեցնել պատերազմը»: «Առաջարկի համաձայն՝ միջուկային ծրագրի շուրջ բանակցությունները կսկսվեն միայն ավելի ուշ փուլում, երբ Հորմուզի նեղուցը բացվի, իսկ շրջափակումը՝ վերացվի»,- նշում է Axios-ը: Հաղորդվում է, որ ԱՄՆ նախագահն այսօր մտադիր է կաբինետի նիստ անցկացնել, «Իրանի հետ բանակցությունների փակուղային իրավիճակը և պատերազմի հաջորդ քայլերի հնարավոր տարբերակները քննարկելու համար»։