Ինչ է կատարվում Հակակոռուպցիոնի բակում


Հակակոռուպցիոն դատարանի բակն այս պահին բազմամարդ է։ Դատարանը քննում է գործարար, բարերար Սամվել Կարապետյանի գործը։ Սամվել Կարապետյանի հարազատները, մտերիմները, Ուժեղ Հայաստանի համակիրները հերթական ան…

«Քոչարյանի ներկայիս պատգամավոր Էլինար Վարդանյանը հայտնվել է Ծառուկյանի ցուցակում»․ Վահագն Ալեքսանյան (տեսանյութ) | ՄԱՄՈՒԼ.ամ

«Քոչարյանի ներկայիս պատգամավոր Էլինար Վարդանյանը հայտնվել է Ծառուկյանի ցուցակում»․ Վահագն Ալեքսանյան

«Տեսե՞լ եք՝ Քոչարյանի խմբակցության ներկայիս, գործող պատգամավոր Էլինար Վարդանյանը հայտնվել է Ծառուկյանի ցուցակում ու Ծառուկյանն էլ հայտարարում է, որ ձայն չեն տալու Քոչարյանին»,- ԱԺ-ում լրագրողների հետ զրույցում ասել է ՔՊ-ական պատգամավոր Վահագն Ալեքսանյանը։ «Ստեղ քաղաքական դիսոնանս տեսնո՞ւմ եք, թե չէ․․․ Սա քաղաքական աբսուրդ է»,- շարունակել է նա։

Եթե ԵՄ-ն ՀՀ-ին ընդունի իր կազմ, շատ լավ, եթե ոչ, կլինենք բարձր ստանդարտներով երկիր․ Նիկոլ Փաշինյան

Ընդհանուր առմամբ պետք է արձանագրել, որ մենք թեև ժողովրդավարության և պետության տնտեսության զարգացման առումով շատ մեծ առաջընթաց ենք արձանագրել 2018 թվականի հեղափոխությունից հետո, բայց միևնույն ժամանակ, իհարկե, մենք առերեսվում ենք և ունենք լրջագույն պրոբլեմներ, և այդ լրջագույն պրոբլեմների լուծումը մեր օրակարգի առաջնահերթությունների մեջ է․ այսօր ԵՄ-ՀՀ քաղհասարակության պլատֆորմի հանդիպմանն ասաց Նիկոլ Փաշինյանը։

«Իմ ականջն ուղղակի ծակեց հետևյալ արտահայտությունը, որ կառավարության շատ ինստիտուտներ դեռևս սվիններով են ընդունում առաջարկները, որոնք ներկայացնում է քաղհասարակությունը։ Ես համաձայն չեմ, որ կառավարությունը կամազուրկ, ամորֆ մի մարմին է, որ ինչ քաղաքացիական հասարակությունն ասաց, հլու պետք է կատարի։ Եկեք ուրեմն դերերով փոխվենք, եկեք դուք կառավարեք, մենք էլ գանք առաջարկներ ներկայացնենք։ Բայց ես չեմ էլ ասում, որ կառավարությունը պետք է ամեն ինչ մերժի։ Իմ ասածն այն է, որ պետք է տեղի ունենա բանավեճ, որովհետև այն, ինչ ընդունվում է առանց բանավեճի, ի սկզբանե սխալ է»,- ասաց Փաշինյանը։

Նրա խոսքով՝ Եվրամիության հետ համապարփակ և ընդլայնված գործընկերության համաձայնագիրն աշխատանքային օրակարգ է, բայց «պետք է նաև ընդունել, որ այդ աշխատանքային օրակարգն ընդլայնվել է Հայաստանի և Եվրամիության միջև վերջին տարիներին հարաբերությունների աննախադեպ զարգացումով»։

«Մենք շարունակելու ենք այս ճանապարհը։ Այո՛, մենք ընդունել ենք օրենք ԵՄ-ին անդամագրվելու գործընթաց սկսելու մասին, բայց մեր ռազմավարությունը նաև այն է, որ այս պրոցեսի մեջ մենք չենք պատրաստվում շանտաժի գործիքներ կիրառել, այդ թվում՝ Եվրոպական միության նկատմամբ, որ մենք օրենք ենք ընդունել, դե հիմա մյուս ամիս մեզ ընդունեք Եվրամիություն։ Ո՛չ ամենևին, մեզ պետք է, որ այս պրոցեսի շուրջ լինի զրո նյարդ, և դա մեզ համար հնարավորություն է, որ մենք իսկապես համապատասխանենք ԵՄ չափանիշներին»,- ասաց նա։

Նրա խոսքով, երբ լինենք այդ կետում, Եվրամիության անդամ դառնալ-չդառնալը քաղաքական որոշման հարց է։

«Եվրամիությունը կարող է որոշել չընդլայնվել, կամ որոշել ընդլայնվել որոշակի տրամաբանությամբ։ Եթե Եվրոպական միությունը կորոշի մեզ ընդունել, շատ լավ, եթե կորոշի չընդունել, մենք էլի շահած դուրս կգանք, որովհետև կլինենք ժամանակակից լավագույն ստանդարտներին համապատասխանող երկիր։ Մեր խնդիրն է, մեր նպատակն է, մեր ռազմավարությունն է լավագույն ստանդարտներին համապատասխանանող երկիր լինել, և մենք հասկանում ենք, որ այսօր հեռու ենք այդ կետից»,-հավելեց Նիկոլ Փաշինյանը։

Ըստ նրա՝ այս հարցում անհրաժեշտ է քաղաքական կամք, ռազմավարություն, տեսլական, թե ինչպես շարժվել այդ ուղղությամբ և ինչպես հասնել այդ կետին։

«Թրամփը ցանկանում է խոշոր գործարք կնքել Իրանի հետ»․ Վենս | ՄԱՄՈՒԼ.ամ

«Թրամփը ցանկանում է խոշոր գործարք կնքել Իրանի հետ»․ Վենս

ԱՄՆ նախագահ Դոնալդ Թրամփը ցանկանում է խոշոր գործարք կնքել Իրանի հետ, որի դեպքում երկիրը «կբարգավաճի»: Այս մասին հայտարարել է ԱՄՆ փոխնախագահ Ջեյ Դի Վենսը:

«Թրամփը չի ուզում փոքր գործարք կնքել։ Նա ուզում է խոշոր գործարք կնքել»,- ասել է Վենսը՝ Ջորջիայի համալսարանում Turning Point USA (TPUSA) միջոցառման ժամանակ։ «Պատճառը, որ դեռևս գործարք չի կնքվել, այն է, որ նախագահն իսկապես ցանկանում է այնպիսի գործարք, որի դեպքում Իրանը չի ունենա միջուկային զենք, Իրանը չի լինի ահաբեկչությունը հովանավորող պետություն, իսկ Իրանի ժողովուրդը կկարողանա բարգավաճել, բարօրության մեջ ապրել և միանալ համաշխարհային տնտեսությանը։ Եվ սա այն գործարքն է, որը նա առաջարկում է»,- ավելացրել է Վենսը։

Երեկ մահացած զինվորը նամակ է թողել | ՄԱՄՈՒԼ.ամ

Երեկ մահացած զինվորը նամակ է թողել

Երեկ՝ զինվորական հոսպիտալ տեղափոխելու ճանապարհին մահացած զինվորը նամակ էր գրել, այս մասին հայտնում է «ԱրմԼուր»-ը։ Ըստ լրատվականի՝ նամակում ներողություն է խնդրել ընկերներից, հարազատներից։ Իսկ խնդիր ունեցել է նա զորամասում, հասցրել են ինքնասպանության, թե սպանել են, իրավապահ համակարգը քննում է։

Ինչպես հայտնել էինք՝ երեկ ժամը 16։00-ի սահմաններում զինվորական հոսպիտալ («Մուրացան») տեղափոխվելու ճանապարհին զինվոր է մահացել։ Մահացածը հոսպիտալ է տեղափոխվել Նուբարաշենի կրակարաններից (պոլիգոնից)՝ հրազենային վնասվածքով։

Արևմուտքը փորձում է պարտադրել իր տեսլականը Հարավային Կովկասի և Կենտրոնական Ասիայի երկրներին․ Լավրով

Արևմուտքը փորձում է հաստատել իր սեփական կանոնները Հարավային Կովկասում և Կենտրոնական Ասիայում ․հայտարարել է Ռուսաստանի արտաքին գործերի նախարար Սերգեյ Լավրովը՝ Պեկինում կայացած մամուլի ասուլիսում։

«Կենտրոնական Ասիայում հետաքրքիր աշխարհաքաղաքական պայքար է ծավալվում Արևմուտքի կողմից այստեղ սեփական կանոնները հաստատելու փորձերի պատճառով», – ընդգծել է նախարարը։

Լավրովը հավելել է, որ արևմտյան երկրները փորձում են առաջատար դեր խաղալ տարածաշրջանի երկրների կենսակերպի կազմակերպման հարցում։ Նրանք նաև փորձում են պարտադրել իրենց տեսլականն այլ երկրների հետ հարաբերությունների կառուցման գործում: Նույնը տեղի է ունենում նաև Հարավային Կովկասի երկրներում։

Նախկինում Foreign Policy ամսագիրը գրել էր, որ Ադրբեջանի և Հայաստանի քաղաքական գործիչները մտահոգված են ԱՄՆ նախագահ Դոնալդ Թրամփի կողմից Իրանի և Մերձավոր Արևելքի պատերազմի վրա կենտրոնանալու հանքամանքից: Նրանց կարծիքով՝ հակամարտությունը կարող է խաթարել ԱՄՆ ներկայիս վարչակազմի բոլոր նվաճումները Հարավային Կովկասում։

 

 

ԱՄՆ-ն վերականգնել է ռուսական նավթի դեմ պատժամիջոցները


Politico-ն հաղորդում է, որ ԱՄՆ-ն վերականգնել է ռուսական նավթի դեմ պատժամիջոցները։ Հրապարակման համաձայն՝ մարտ ամսին ԱՄՆ ֆինանսների նախարարությունը ժամանակավոր…