Հայտնի են դարձել մանրամասներ Քրիշտիանու Ռոնալդուի եւ Պորտուգալիայի ֆուտբոլի ազգային հավաքականի գլխավոր մարզիչ Ժորժե Ժեզուշի միջեւ տեղի ունեցած կոնֆլիկտի վերաբերյալ։ Լրագրող Ֆաբրիցիո Ռոմանոն այդ թեմայով ինսայդերական բացահայտումներ է արել։ «Քրիշտիանու Ռոնալդուն չափազանց հիասթափված է։ Նա զգում է, որ Ժորժե Ժեզուշը դավաճանել է իրեն։
Մարզիչը ստիպել է, որ երեսուն րոպե վարժանք անի, բայց այդպես էլ թույլ չի տվել, որ խաղադաշտ դուրս գա։ Ռոնալդուն նրա հետ խոսել է, եւ Ժեզուշը պատրաստ է եղել հանրայնորեն ներողություն խնդրելու, սակայն այդպես էլ չի արել»,- ասել է Ռոմանոն։ Վերջնականորեն հարաբերությունները փչացել են, երբ գլխավոր մարզիչն ասել է, որ մտադիր է ինքնուրույն որոշելու թիմի կազմը։ Դա եղել է վերջին կաթիլը եւ դրանից հետո Ռոնալդուն հեռացել է ճամբարից։ Ներկայումս իրավիճակը լարված է։ Ռոնալդուն որոշելու է իր հետագա անելքները։ Ժեզուշն էլ առաջիկայում հանդես է գալու իրադրության հետ կապված պարզաբանմամբ։