Բահրեյնի ՆԳՆ-ն հայտարարել է անհայտ թվով քաղաքացիների ձերբակալության մասին, որոնք «սերտ կապեր» ունեն իրանական Իսլամական հեղափոխության պահապանների կորպուսի (ԻՀՊԿ) հետ, և որոնց մի մասը կասկածվում է լրտեսության մեջ։ Ըստ գերատեսչության մայիսի 6-ի պաշտոնական հայտարարության՝ ձերբակալվածները մեղադրվում են Թեհրանի թշնամական գործողություններին աջակցելու և օտարերկրյա կառույցների հետ համագործակցելու մեջ։
Ավելի վաղ՝ ապրիլի վերջին, Բահրեյնի իշխանությունները 69 հոգու զրկել էին քաղաքացիությունից՝ թագավորության դեմ Իրանի հարձակումներին ենթադրյալ աջակցության և «օտարերկրյա կազմակերպությունների հետ դավադրության» համար։ Անվտանգության ոլորտում իրավիճակի սրումը տեղի է ունենում տարածաշրջանում լարվածության ընդհանուր աճի և երկրի ներքին գործերին օտարերկրյա միջամտության դեմ պայքարի միջոցառումների ուժեղացման պայմաններում։