Ֆիլիպինների Մինդանաո կղզու Կոտաբատո նահանգում 40 միլիմետրանոց ականանետի արկի պայթյունի հետևանքով 10-ամյա տղա է զոհվել, երկու երեխա էլ վնասվածքներ են ստացել։ Ողբերգության մասին հաղորդում է ֆիլիպինյան Inquirer պարբերականը՝ հղում անելով տեղական իշխանություններին։
Միջադեպը տեղի է ունեցել երկուշաբթի՝ կեսօրին մոտ։ Նահանգի ոստիկանապետի տվյալներով՝ երեխաները, ենթադրաբար, խաղացել են չպայթած զինամթերքի հետ և քարերով հարվածել դրան, ինչից հետո տեղի է ունեցել պայթյունը։
Տուժածները տեղափոխվել են հիվանդանոց և ստանում են անհրաժեշտ բժշկական օգնություն։ Ոստիկանությունը կոչ է արել բնակիչներին հայտնել իշխանություններին ցանկացած գտնված կասկածելի առարկայի մասին՝ ապագայում նման ողբերգություններից խուսափելու համար։