Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։
2026թ․ առաջին եռամսյակում տեղի ունեցող ներքին և արտաքին իրադարձությունների պայմաններում ՀՀ տնտեսությունն արձանագրել է հետևյալ արդյունքները․
Համաձայն ՎԿ տվյալների՝ 2026թ․ առաջին եռամսյակում արդյունաբերական արտադրանքի ծավալը կազմել է ֏748,001 մլն, գյուղատնտեսության համախառն արտադրանքի ծավալը՝ ֏96,360 մլն, իսկ շինարարության ծավալը՝ ֏95,640 մլն:
2026թ․ առաջին եռամսյակում առևտրաշրջանառության մակարդակն արձանագրել է ֏1,442,794 մլն, իսկ ծառայությունների ծավալը՝ ֏981,729 մլն արդյունքները:
2026թ․ առաջին եռամսյակում ՀՀ-ում արտադրվել է 2,818 մլն կՎտ./ժ էլեկտրաէներգիա:
Մեր հայրենակիցների միջին ամսական անվանական աշխատավարձը սույն թվականի առաջին եռամսյակում կազմել է ֏307,574: Իսկ արտահանման և ներմուծման ծավալները նույն ամսում կազմել են համապատասխանաբար $1,760 մլն և $2,945մլն:
Վերը բերված ցուցանիշները հնարավոր կլինի լիովին մեկնաբանել և դրանց փոփոխության միտումն ըմբռնել, եթե դրանց 2026թ․ առաջին եռամսյակին արձանագրված արդյունքները համեմատության մեջ դրվեն 2025թ․ առաջին եռամսյակում արձանագրված արդյունքների համապատասխան մակարդակների հետ.
Տնտեսական ակտիվության ցուցանիշը (ՏԱՑ) 2026թ․ առաջին եռամսյակում կազմել է 7․1%։ Արդյունաբերության համախառն արտադրանքի ծավալների աճը 2026թ․ առաջին եռամսյակում 2025թ․ նույն ժամանակաշրջանի համեմատ կազմել է շուրջ 13%: Գյուղատնտեսության համախառն արտադրանքի ծավալների անկումը 2025թ․ նույն ժամանակաշրջանի համեմատ կազմել է 5․2%։
2026թ․ առաջին եռամսյակում 2025թ․ նույն ժամանակաշրջանի համեմատ առևտրաշրջանառության ծավալների աճը կազմել է ընդամենը 2․1%։ 2026թ-ի առաջին եռամսյակում նախորդ տարվա նույն ժամանակաշրջանի համեմատ ծառայությունների ծավալի աճը կազմել է 7․4%։
2026թ․ առաջին եռամսյակում նախորդ տարվա նույն ժամանակաշրջանի համեմատ գնաճը կազմել է 4․2%։ Իսկ միջին ամսական անվանական աշխատավարձը համադրելի ժամանակահատվածի համեմատ աճել է 2․9%-ով։
Արտահանման և ներմուծման ծավալները 2026թ․ առաջին եռամսյակում նախորդ տարվա նույն ժամանակաշրջանի համեմատ աճել են համապատասխանաբար 4․5%-ով և 4․6%-ով։
Ռուսաստանը երբեք չի բաժանել Հայրենական մեծ պատերազմում տարած հաղթանակը իր և օտարի միջև և հարգում է մարտական դաշնակցությանը նվիրված հիշատակը։ Այս մասին հայտարարել է ՌԴ նախագահ Վլադիմիր Պուտինը՝ ելույթ ունենալով Կրեմլում օտարերկրյա հյուրերի հանդիսավոր ընդունելության ժամանակ, հաղորդում է «Կոմերսանտը»։
«Խորհրդային Միության ժողովուրդները վճռորոշ ավանդ են ներդրել ֆաշիզմի ջախջախման գործում։ Ընդ որում, մենք երբեք չենք բաժանել այդ վիթխարի Հաղթանակը մեր և ուրիշների միջև։ Եվ հենց այդ պատճառով էլ հարգում ենք հակահիտլերյան կոալիցիայի բոլոր մարտիկների, դիմադրության մասնակիցների, պարտիզանների և ընդհատակյա գործիչների ավանդը»,— միջոցառման ժամանակ ասել է Վլադիմիր Պուտինը»։
Պետության ղեկավարը հավելել է, որ Ռուսաստանը միշտ վառ կպահի «մարտական դաշնակցության և զինակցական եղբայրության» հիշատակը։ Նրա խոսքով՝ արդարության հաղթանակի նկատմամբ հավատը, ժողովրդի ինքնիշխանության իրավունքը և հայրենասիրությունը մարդկանց առաջ են մղել փորձությունների միջով և այսօր էլ մնում են որպես բարոյական ուղենիշեր։ Որպես ժողովուրդներին միավորող արժեքներ՝ Պուտինը նշել է ընդհանուր պատմության հանդեպ անկեղծ վերաբերմունքը, հաղթանակի համար մարտնչածների հիշատակը և Հայրենական մեծ պատերազմի մասին ճշմարտությունը պահպանելու գործում անհրաժեշտ պատասխանատվությունը։
Այսօր Մոսկվայի Կարմիր հրապարակում անցկացվել է Հաղթանակի շքերթը՝ նվիրված Հայրենական մեծ պատերազմում տարած հաղթանակի 81-րդ տարեդարձին։ ՌԴ մայրաքաղաք են ժամանել Ղազախստանի նախագահ Կասըմ-Ժոմարտ Տոկաևը, Բելառուսի նախագահ Ալեքսանդր Լուկաշենկոն, Լաոսի նախագահ Թհոնգլուն Սիսուլիթը, Ուզբեկստանի նախագահ Շավքաթ Միրզիյոևը, Հարավային Օսիայի նախագահ Ալան Գագլոևը, Սլովակիայի վարչապետ Ռոբերտ Ֆիցոն, Մալայզիայի գերագույն կառավարիչ սուլթան Իբրահիմը և Սերբական Հանրապետության «Անկախ սոցիալ-դեմոկրատների միություն» կուսակցության նախագահ Միլորադ Դոդիկը։ Նրանք նաև մասնակցել են Կրեմլում կայացած ընդունելությանը։
Frontier Airlines ավիաընկերության ինքնաթիռը ուրբաթ ուշ երեկոյան Դենվերի միջազգային օդանավակայանի թռիչքուղու վրա վրաերթի է ենթարկել մի հետիոտնի, ինչի պատճառով օդանավը ստիպված է եղել ընդհատել թռիչքը։ Այս մասին հայտնում է CNN-ը՝ հղում անելով ընկերության ներկայացուցչին։
Frontier Airlines-ի հայտարարության մեջ նշվում է, որ Airbus A321 օդանավը (չվերթ 4345), որը Դենվերից ուղևորվում էր Լոս Անջելես, տեղափոխում էր 224 ուղևոր և անձնակազմի 7 անդամ։
Մեկնումը նախատեսված է եղել տեղական ժամանակով 22:39-ին: Ավիաընկերությունից հայտնել են, որ երբ ինքնաթիռը սկսել է թափ հավաքել թռիչքի համար, այն, ըստ ստացված տեղեկությունների, «թռիչքուղու վրա բախվել է հետիոտնին»։
«Ինքնաթիռի սրահում ծուխ է առաջացել և օդաչուները դադարեցրել են թռիչքը։ Այնուհետև, որպես նախազգուշական միջոց, ուղևորներն անվտանգ տարհանվել են ուղղորդող սլաքների (կամ հատուկ ուղղորդողների) օգնությամբ», – պատմել է հեռուստաալիքի զրուցակիցը:
Օդանավակայանից հավելել են, որ վթարային բրիգադները ժամանել են դեպքի վայր և ուղևորներին տարհանել դեպի տերմինալ:
Օդանավակայանի վարչակազմից հայտնել են, որ հետաքննության ընթացքում 17L թռիչքուղին փակ կլինի բոլորի համար։
Ընտրակաշառք տալու և ստանալու դեպքերի առթիվ նախաձեռնված քրեական վարույթների շրջանակներում ձերբակալված անձանցից 6-ի նկատմամբ որպես խափանման միջոց է կիրառվել կալանքը, ևս մեկի նկատմամբ՝ տնային կալանքը, NEWS.am–ին հայտնել են Հակակոռուպցիոն կոմիտեից։
Ավելի վաղ հայտնել էինք, որ Հակակոռուպցիոն կոմիտեն այսօր խուզարկություններ է իրականացրել Շիրակի մարզի Անի համայնքի մի շարք հասցեներում, կան բերման ենթարկվածներ և ձերբակալվածներ։
Շիրակի մարզի Անի համայնքի մի շարք հասցեներում խուզարկություններից հետո ձերբակալված քաղաքացիները «Ուժեղ Հայաստան» կուսակցության Մարալիկ քաղաքի տարածքային գրասենյակի պատասխանատու Թաթուլ Բուլոյանը և նրա կինն են։
