Էլեկտրոնային առևտուրը վաղուց դադարել է լինել պարզապես հարմարավետ ընտրություն. այսօր այն մեր առօրյա կյանքի և տնտեսության անբաժանելի մասն է: Հայաստանում այս շուկան վերջին տարիներին թռիչքային աճ է ապրում՝ փոխելով ինչպես գնորդների սովորությունները, այնպես էլ բիզնես վարելու կանոնները: Ժամանակակից առցանց հարթակները թույլ են տալիս հաշված վայրկյանների ընթացքում գտնել անհրաժեշտ ամեն ինչ, սակայն շուկայի աճին զուգընթաց դեռևս պահպանվում են որոշակի կարծրատիպեր ու թյուրըմբռնումներ:
Այս թեմայով հինգ ամենատարածված միֆերը մեկնաբանում և հերքում է Հայաստանում Wildberries-ի Վաճառքի բաժնի ղեկավար Մարտա Մոսիյանը:
Wildberries-ից պատվերները երկար են հասնում
«Այս միֆը հեշտությամբ հերքվում է թվերով և պրակտիկայով: Երբ գնորդն ընտրում է ապրանք, որն ունի “Ապրանքներ տեղական պահեստից. Հայաստան” նշումը, առաքման ժամկետը տատանվում է մի քանի ժամից մինչև մի քանի օր: Սա նշանակում է, որ արտադրանքն արդեն երկրի ներսում է և կարիք չունի սահման հատելու: Դեպքերի մեծ մասում գնորդներն իրենց պատվերները ստանում են ընդամենը 48 ժամվա ընթացքում: Ոչ մի ուշացում սահմանին կամ բարդ միջազգային լոգիստիկա»:
Հայկական ապրանքներ չկան
«Իրականում մեր հարթակում տեղական արտադրանքի ծավալն օրեցօր աճում է: Հայկական բրենդները՝ հագուստից ու կոսմետիկայից մինչև ձեռագործ յուրօրինակ աշխատանքներ ու սննդամթերք, ակտիվորեն ներկայացված են Wildberries-ում: Գնորդները հաճախ հաճելիորեն զարմանում են՝ բացահայտելով, թե որքան որակյալ տեղական ապրանքներ կարելի է գտնել հարթակում, ընդ որում՝ դրանք արդեն տեղում են և պատրաստ են արագ առաքման»:
Վաճառք կարող են իրականացնել միայն խոշոր ընկերությունները
«Բացարձակապես հակառակը: Wildberries-ը հենց այն հարթակն է, որը հավասարեցնում է հնարավորությունները: Փոքր և ընտանեկան բիզնեսը, սկսնակ ձեռնարկատերերն ու անկախ վարպետները կարող են հեշտությամբ դուրս գալ շուկա: Ձեզ անհրաժեշտ չէ հսկայական բյուջե կամ խանութների սեփական ցանց. բավական է ունենալ ապրանքը, իսկ բազմամիլիոնանոց հաճախորդների լսարանն ու լոգիստիկան կապահովի մեր հարթակը»:
Wildberries-ում միայն հագուստ կա
«Եթե մի քանի տարի առաջ օնլայն հարթակները ասոցացվում էին գերազանցապես հագուստի և կոշիկի հետ, ապա այսօր պատկերն ամբողջովին այլ է: Տեղական վաճառողների կողմից առաջարկվող տեսականին ընդգրկում է ամենատարբեր կատեգորիաներ՝ ապրանքներ տան և կենցաղի համար, կոսմետիկա, սպորտային ապրանքներ, մանկական արտադրանք և շատ ավելին: Մարդիկ հաճախ մտնում են հարթակ հագուստ ընտրելու համար, բայց արդյունքում բացահայտում են տան հարմարավետության համար անհրաժեշտ ամեն ինչ»:
Առցանց գնումները Հայաստանում չեն աշխատում
«Այսօր մենք արդեն վստահությամբ կարող ենք ասել, որ առցանց գնումները ոչ միայն աշխատում են, այլև դարձել են Հայաստանի բնակիչների առօրյա կենսակերպի մասը: Մարդիկ վստահում են ինտերնետ-շոփինգին, քանի որ այն խնայում է ամենաթանկը՝ ժամանակը: Իսկ երբ գնումը կատարվում է տեղական պահեստի ընտրությամբ, արդյունավետությունն ու արագությունը վերջնականապես կոտրում են հին կարծրատիպերը»:
Իրական պատմություններ. ինչ են ասում գնորդներն ու վաճառողները
Տեղի ունեցող փոփոխությունների և տեղական գնումների հարմարավետության մասին ամենալավը պատմում են հենց իրենք՝ օգտատերերը: Ահա երեք փոքրիկ պատմություն, որոնք ապացուցում են՝ տեղական պահեստից պատվերները փոխում են Հայաստանում օնլայն շոփինգի մշակույթը:
Անի (Գնորդ).
«Վստահ էի, որ պատվերը հաստատ չի հասցնի տեղ հասնել մինչև հանգստյան օրերը: Բայց քանի որ միջոցառմանը մնացել էր ընդամենը մի քանի օր, որոշեցի ռիսկի դիմել և գնում ձևակերպեցի Wildberries-ում: Ի զարմանս ինձ՝ արդեն երկու օր անց պատվերը պատվերների տրման կետում էր, և ես ուրախությամբ նկարահանում էի ապրանքի բացումը (unpacking) Ինստագրամի համար: Հենց այդ ժամանակ ես առաջին անգամ նկատեցի ապրանքի կողքին գտնվող փոքրիկ նշումը՝ “Արտադրված է Հայաստանում”»:
Անդրանիկ (Գնորդ).
«Մի քանի տարի առաջ առաջին անգամ պատվեր կատարեցի Wildberries-ում. տան համար լամպ էի փնտրում: Նախկինում նման իրերը մենք գնում էինք միայն տեղական խանութներից, ուստի սպասում էի ստանդարտ առաքման Ռուսաստանից՝ 7-10 օրվա ընթացքում: Ի զարմանս ինձ՝ պատվերը եկավ արդեն երկու օրից: Նույնիսկ մտածեցի, որ կեղծիք է: Որոշ ժամանակ անց իմացա, որ ապրանքների մի մասը տեղակայվում է Հայաստանի պահեստներում և առաքվում է զգալիորեն արագ: Այդ ժամանակ էլ կարողացա վերանայել իմ կարծիքն ու փոխել վերաբերմունքս այդ պատմության հանդեպ»:
Մարիամ (Handmade բրենդի հիմնադիր, Վաճառող).
«Երկար ժամանակ կարծում էի, որ օնլայն հարթակները բացառապես խոշոր վաճառողների և մեծ բրենդների տեղն են: Ինձ թվում էր, թե ձեռագործ աշխատանքների իմ փոքրիկ բրենդը պարզապես կկորչի նման հսկայական հարթակում: Բայց ամեն ինչ սկսվեց բառացիորեն մի քանի ապրանքից, որոնք ես տեղադրեցի կայքում: Այսօր իմ ապրանքները Հայաստանում շատ արագ սպառվում են, և ես հասկացա, որ տեղական շուկայի ու սպառողի համար այս հարթակը նոր մեծ դռներ է բացում»:
Այսօր Wildberries-ը Հայաստանում ոչ միայն փոխում է գնումների սովորությունները, այլև աստիճանաբար կոտրում է հնացած միֆերը՝ տեղական բիզնեսն ու գնորդներին դարձնելով ավելի մոտ, արագ և հասանելի միմյանց համար:
Ինչպե՞ս ստանալ Wildberries-ի պատվերները Հայաստանում ընդամենը 48 ժամում
