Category: Mamul.am

Քաղաքական մեկնաբան Հակոբ Բադալյանի թելեգրամյան գրառումը. «Իրանի «նվերը» Եվրոպային:

Իրանի ԱԳ նախարար Արաղչին ասել է, որ Հորմուզի նեղուցը բաց է բոլոր առեւտրային նավերի համար՝ Իսրայելի ու Լիբանանի միջև հաստատված հրադադարի ժամանակահատվածում: Ինչպես հայտնի է, հրադադարը տասնօրյա է: Ի՞նչ կլինի տասը օր անց, պարզ չէ:

Պարզ է մի բան, որ Իրանը փաստորեն լավ նվեր է անում Եվրոպային, քանի որ հայտարարությունից հետո զգալի նվազել է նավթի գինը, ինչպես նաև կա էներգետիկ ռեսուրսների տեղափոխման ռեժիմի որոշակի դյուրացում: Իհարկե մտածել, թե հարցերը լուծված են, կիլինի միամիտ: Մյուս կողմից, հնարավոր է Թեհրանը գործել է Պեկինի խորհրդով կամ հորդորով: Բոլոր պարագաներում, Իրանի որոշումն անկասած բավականին խրթին դիվանագիտական հանգույցի մաս է, այլ ոչ թե նեղուցի շուրջ ստեղծված իրավիճակի հանգուցալուծում»:

«Այս պահի դրությամբ որևէ արձանագրություն կազմված չէ և բերման ենթարկված մեր 17 հայրենակիցները 2,5 ժամ շարունակ ապօրինաբար գտնվում են անազատության մեջ»,- լրագրողների հետ զրույցում ասել է «Ուժեղ Հայաստան» կուսակցության մամուլի խոսնակ Մարիաննա Ղահրամանյանը: Նա ընդգծել է, որ այսօրվա խաղաղ երթից մարդկանց բերման ենթարկելու փաստը և նախորդ երկու օրերի զարգացումները վերհաստատում են այն պնդումները, որ «իշխանությունները գտնվում են խուճապի մեջ, վախեցած են, ուստի գործիքակազմը իրենց ձեռքին արդեն խաղալիք դարձրած գործի են դրել և փորձում են ճնշել»:

«Մենք զեկույց ենք պատրաստել մեր քաղաքական ուժի նկատմամբ իրականացվող հետապնդումների և միջամտությունների, իշխող ուժի կողմից խախտումների և սահմանափակումների վերաբերյալ վերաբերյալ»,- այս մասին Հակակոռուպցիոն դատարանի բակում լրագրողների հետ զրույցում նշեց կուսակցության անդամ Գոհար Մելոյանը՝ հավելելով, որ այդ զեկույցը ներկայացվելու է գործող միջազգային կառույցներին։

«Անմիջական գործընթաց հնարավոր է, որ առկա չէ, բայց գործընկերների հետ արդեն իսկ արձանագրումներ ունենք․․․ Մենք կապի մեջ ենք ԵԱՀԿ ԺՀՄԻԳ-ի հետ, որը երկարաժամկետ դիտորդական առաքելություն է իրականացնում։ Նախնական զեկույցում՝ անկողմնակալության հետ կապված, արդեն որոշակի հանգամանքների անդրադարձ կատարվել է։ ԵԱՀԿ ԺՀՄԻԳ-ի գործընկերները ևս ասել են, որ օրենքի փոփոխությանն անդրադառնալու են վերջնական զեկույցում»,- նշեց Մելոյանը՝ հավելելով, որ նման միջամտությունները վերջնական արդյունքում կարող են հարցականի տակ դնել ողջ ընտրական գործընթացի լեգիտիմությունը։

Իրանը բացել է Հորմուզի նեղուցը բոլոր առևտրային նավերի համար՝ Իսրայելի և «Հեզբոլլահ»-ի միջև հրադադարի ժամկետի ընթացքում, հայտարարել է Իրանի արտգործնախարար Աբբաս Արաղչին։

«Բոլոր առևտրային նավերի անցումը հայտարարվում է լիովին բաց՝ հրադադարի մնացած ժամանակահատվածում համաձայնեցված երթուղով, ինչպես արդեն հայտարարել է Իրանի նավահանգիստների և ծովային կազմակերպությունը», – գրել է նա X սոցիալական ցանցերում։

Մարդու իրավունքների պաշտպան Անահիտ Մանասյանի հանձնարարությամբ ՄԻՊ ներկայացուցիչներն արագ արձագանքման այց են իրականացրել Ոստիկանության բաժիններ՝ այսօր Հակակոռուպցիոն դատարանի հարակից տարածքից արգելանքի վերցված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով։ Այս մասին լրատվամիջոցներին հայտնել են ՄԻՊ աշխատակազմից:

Ավելի վաղ տեղեկացրել էինք, որ Սամվել Կարապետյանի աջակիցների հավաքի ժամանակ 17 անձ է ձերբակալվել:

Մարդու իրավունքների պաշտպան Անահիտ Մանասյանի հանձնարարությամբ ՄԻՊ ներկայացուցիչներն արագ արձագանքման այց են իրականացրել Ոստիկանության բաժիններ՝ այսօր Հակակոռուպցիոն դատարանի հարակից տարածքից արգելանքի վերցված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով։ Այս մասին լրատվամիջոցներին հայտնել են ՄԻՊ աշխատակազմից:

Ավելի վաղ տեղեկացրել էինք, որ Սամվել Կարապետյանի աջակիցների հավաքի ժամանակ 17 անձ է ձերբակալվել:

Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Հետաքրքրական է՝ ե՞րբ է հայկական ընդդիմությունն ի վերջո դուրս գալու ՔՊ ձևավորած նարատիվների սահմաններից։
     Քննադատությունը, անկասկած, անհրաժեշտ է։ Սակայն, մնալով նախապես տրված օրակարգի շրջանակներում, այն անխուսափելիորեն վերարտադրում է հենց այդ օրակարգի հեղինակներին։ Առանց սեփական՝ ինքնուրույն Նախագծի նման քննադատությունը վերածվում է իշխանությունների քաղաքական վերարտադրության ձևի։ Այն չի քանդում գերիշխող դիսկուրսը, այլ ընդամենը ապահովում է դրա շարունակական շրջանառությունը։
     Այս իմաստով ընդդիմությունը գնալով ավելի է նմանվում հետխորհրդային տարածքի փորձագիտական համայնքի զգալի հատվածին՝ իրադարձությունների և հայտարարությունների անվերջ մեկնաբանմամբ, առանց դրանց ամբողջացման մեկ միասնական աշխարհայացքային պատկերի մեջ։
     Խնդիրը, այսպիսով, փաստերի կամ փաստարկների պակասը չէ, այլ՝ վերլուծության մետամակարդակ դուրս գալու անկարողությունը։ Այս դեպքում՝ քաղաքականության մետամակարդակ, որտեղ ձևավորվում են ոչ թե արձագանքներ, այլ իմաստներ և ուղղություններ։
     Սրա հետևանքը քաղաքական գործընթացի աստիճանական էրոզիան է։ Քաղաքականությունը իջեցվում է առօրյա, գրեթե կենցաղային բանավեճի մակարդակի՝ կորցնելով իր ռազմավարական չափումը և ապագայի նախագծման կարողությունը»։