Մշակութային ժառանգությունն անտառային հրդեհներից պաշտպանելու համար Հունաստանի 22 խոշոր հնագիտական վայրերում և հուշարձաններում տեղադրվել են հրդեհների վաղ հայտնաբերման և մարման համակարգեր, հայտնում է Kathimerini-ն։
Ութ համակարգ արդեն իսկ գործում է, այդ թվում՝ Օլիմպիայում, Միկենքում, Էպիդավրոսում, Միստրայում և Դիոնում։ Հուլիսի 31-ին Միկենների համակարգը Ֆիխտիա շրջանում հրդեհ է հայտնաբերել և իրական ժամանակում լուսանկարներն ու տվյալներն ավտոմատ կերպով փոխանցել կառավարման կենտրոն։
Մինչև օգոստոսի վերջ համակարգեր կտեղադրվեն ևս վեց օբյեկտում (ներառյալ Ակրոպոլիսը, Նեստորի պալատը և Ֆեստոսը), իսկ սեպտեմբերին՝ ևս ութում, այդ թվում՝ Կնոսոսում, Դելֆիում և Դոդոնայում։
Համակարգն օգտագործում է ջերմատես և օպտիկական տեսախցիկներ (այդ թվում՝ 360 աստիճան անկյունով դիտարկման տեսախցիկներ), ինչպես նաև օդերևութաբանական կայաններ և հրդեհաշիջման շարժական կայանքներ։ Ծրագիրը ֆինանսավորվում է Եվրոպական Միության կողմից՝ Վերականգնման և կայունության ֆոնդի շրջանակում։