UFC-ի թեթև քաշային կարգի գործող չեմպիոն Իլիա Թոփուրիան խիստ քննադատական և վիրավորական արտահայտություններ է հնչեցրել նույն քաշային կարգի դասակարգման երկրորդ համար Արման Ծառուկյանի հասցեին:
Արիել Հելվանիին տված հարցազրույցում Թոփուրիան կասկածի տակ է դրել Ծառուկյանի վարքագիծն ու մտավոր ունակությունները.
«Ես իսկապես ապշած եմ՝ որքան հիմար է նա։ Նրա մտածելակերպը երեխայի է նման։ Այն ամենը, ինչ տեսնում եմ նրա մասին համացանցում, լիակատար խայտառակություն է։ Ո՞ւմ է նա առհասարակ հետաքրքրում։ Ինձ դուր չի գալիս, երբ մարդիկ ձևանում են հարուստ և ի ցույց են դնում գումարը։ Դու այնքան աղքատ ես, որ միակ բանը, որ ունես, փողն է։ Այն էլ ծախսում ես հորդ, այլ ոչ թե քո գումարները։ Նա պարզապես երեխա է»,- հայտարարել է Թոփուրիան։
Խոսելով հնարավոր մենամարտի մասին՝ գործող չեմպիոնը վստահություն է հայտնել իր ուժերի նկատմամբ՝ Ծառուկյանին խորհուրդ տալով կենտրոնանալ սթրիմների վրա.
«Նա իմ մակարդակին չէ։ Եթե մենք հանդիպենք, ես առաջին ռաունդում կկոտրեմ նրա ծնոտը։ Ի՞նչ է նա անելու. փորձելու է ինձ տապալե՞լ։ Եղբա՛յր, խնդրում եմ, լսի՛ր ինձ. մասնակցի՛ր քո ըմբշամարտի մրցաշարերին, վարի՛ր քո սթրիմները, իսկ երբ գա պահը, պարզապես եղի՛ր այնտեղ, և ես կանեմ մնացածը»,- հավելել է նա։
Armsport