Category: TopNews.am

Եվրամիությունը Մերձավոր Արևելքում էներգետիկ ճգնաժամի ֆոնին ավելացրել է ռուսական հեղուկացված բնական գազի (ՀԲԳ) ներմուծումը: Այս մասին հայտնում է Financial Times-ը: Նրա տվյալներով՝ 2026 թվականի առաջին եռամսյակում ռուսական «Յամալ ՀԲԳ» նախագծից ԵՄ երկրներ մատակարարումներն աճել են 17 տոկոսով՝ նախորդ տարվա նույն ժամանակահատվածի համեմատ և հասել 5 մլն տոննայի, որից 1,8 մլն տոննան ներկրվել է մարտին։

Ռուսաստանից գազի ներկրման աճը գրանցվել է Կատարից հեղուկացված բնական գազի մատակարարումների կրճատման ֆոնին՝ տեղական էներգետիկ ենթակառուցվածքներին Իրանի հարվածներից և Հորմուզի նեղուցի փակումից հետո, գրում է Financial Times-ը:

Պարբերականը, սակայն, նշում է, որ չնայած ստեղծված իրավիճակին, Բրյուսելը ​​մտադրություն չունի վերանայել Ռուսաստանից հեղուկացված բնական գազի մատակարարման համար նախատեսված արգելքը, որը կսկսի գործել 2027 թվականի հունվարից։

Եվրամիությունը Մերձավոր Արևելքում էներգետիկ ճգնաժամի ֆոնին ավելացրել է ռուսական հեղուկացված բնական գազի (ՀԲԳ) ներմուծումը: Այս մասին հայտնում է Financial Times-ը: Նրա տվյալներով՝ 2026 թվականի առաջին եռամսյակում ռուսական «Յամալ ՀԲԳ» նախագծից ԵՄ երկրներ մատակարարումներն աճել են 17 տոկոսով՝ նախորդ տարվա նույն ժամանակահատվածի համեմատ և հասել 5 մլն տոննայի, որից 1,8 մլն տոննան ներկրվել է մարտին։

Ռուսաստանից գազի ներկրման աճը գրանցվել է Կատարից հեղուկացված բնական գազի մատակարարումների կրճատման ֆոնին՝ տեղական էներգետիկ ենթակառուցվածքներին Իրանի հարվածներից և Հորմուզի նեղուցի փակումից հետո, գրում է Financial Times-ը:

Պարբերականը, սակայն, նշում է, որ չնայած ստեղծված իրավիճակին, Բրյուսելը ​​մտադրություն չունի վերանայել Ռուսաստանից հեղուկացված բնական գազի մատակարարման համար նախատեսված արգելքը, որը կսկսի գործել 2027 թվականի հունվարից։

Մեծ Բրիտանիայի Առևտրային ծովային գործողությունների վարչության տվյալներով՝ Հորմուզի նեղուցում, Պարսից և Օմանի ծոցերում ընդհանուր սպառնալիքի մակարդակը շարունակում է մնալ կրիտիկական։

Վարչության տվյալներով՝ վերջին 24 ժամվա ընթացքում Հորմուզի նեղուցով անցել են ընդամենը չորս առևտրային բեռնատար նավ և երկու լցանավ։ Նշվում է, որ չնայած վերջին 48 ժամվա ընթացքում որևէ հարձակում չի գրանցվել, ԱՄՆ-ի և Իրանի միջև երկշաբաթյա հրադադարը դեռևս չի հանգեցրել երթևեկության զգալի աճի։

Իրանը պահանջում է, որ բոլոր տարանցիկ փոխադրումները նախապես համաձայնեցվեն իր զինված ուժերի հետ, և որ նավերը հետևեն իշխանությունների սահմանած երթուղիներին։

CNBC-ի տվյալներով՝ ԱՄԷ-ի արդյունաբերության և առաջատար տեխնոլոգիաների նախարար Սուլթան Ալ Ջաբերը հայտարարել է, որ Հորմուզի նեղուցը մնում է գործնականում փակ, և այդ ջրային ճանապարհով անցումը կախված է Իրանի «պայմաններից ու քաղաքական ազդեցությունից»։

Մի քանի բեռնափոխադրող ընկերության ղեկավարներ CNN-ին հայտնել են, որ հրադադարի շուրջ անորոշությունը շարունակում է չափազանց ռիսկային դարձնել նեղուցով տարանցումը, որը դարձյալ Իրանի վերահսկողության տակ է։

Ռուսաստանի Հատուկ ծառայության աշխատակիցները 13-ժամյա քննչական գործողություն են իրականացրել Մոսկվայում՝ «Նովայա գազետա»-ի խմբագրությունում։ Խուզարկությունից հետո գրասենյակից առգրավվել են սարքավորումներ և փաստաթղթեր, հայտնել են թերթի լրագրողները։ Հարցաքննվել են գրասենյակում ներկա խմբագրության աշխատակիցները, նրանցից պահանջել են ստորագրել գաղտնիության մասին համաձայնագրեր, թերթի փաստաբաններին թույլ չեն տվել մտնել տարածք:

Ոստիկանությունը երկու օրով կալանավորել է թերթի սյունակագիր Օլեգ Ռոլդուգինին՝ Ռուսաստանի քրեական օրենսգրքի՝ անձնական տվյալների անօրինական օգտագործման և փոխանցման մասին հոդվածով։

Օլեգ Ռոլդուգինի հետաքննությունները վերաբերում էին, մասնավորապես, Max պետական մեսենջերի հետ կապված ընկերությունների պաշտոնական հիմնադիրներին, նախագահի աշխատակազմում կոռուպցիային, Ռուսաստանի Դաշնության նախկին նախագահ և վարչապետ Դմիտրի Մեդվեդևի, ինչպես նաև Չեչնիայի ղեկավար Ռամզան Կադիրովի մերձավորների սեփականությանը:

Ապրիլի 8-ին Համայնքային ոստիկանության Մասիսի բաժնի ծառայողները ստացել են օպերատիվ տեղեկություն, որ Երևանի Լեփսիուսի փողոցի բնակիչ տղամարդը, նախորդ օրը Այնթապ գյուղում գողացված դրամապանակում եղած բանկային քարտից գումար է կանխիկացրել։

Հետագա միջոցառումների արդյունքում 42-ամյա տղամարդը հայտնաբերվեց մայրաքաղաքի Նորաշխարհյան փողոցում, գողություն կատարելու կասկածանքով ձերբակալվեց և իր վարած մեքենայով տեղափոխվեց Մասիսի բաժին։

Նա խոստովանեց, որ նախորդ գիշերը՝ ժամը 01։40-ի սահմաններում, վերցրել է դրամապանակը և բանկային քարտից կանխիկացրել 114 հազար դրամ։

Գողոնը ամբողջությամբ հայտնաբերվել է։ 42-ամյա տղամարդն ու կազմված փաստաթղթերը ներկայացվել են Մասիսի քննչական բաժին։ Նախաքննությամբ հանգամանքները պարզվում են։

«Լիվերպուլը» պաշտոնապես հաստատել է, որ թիմի պաշտպան Էնդրյու Ռոբերտսոնն ընթացիկ մրցաշրջանի ավարտից հետո կավարտի իր ելույթները «կարմիրների» կազմում։ Համապատասխան հայտարարությունը հրապարակվել է անգլիական ակումբի կայքում։

Բրազիլական «Սանտոսի» հարձակվող Նեյմարը առաջիկա ամռանը կարող է կրկին հեռանալ հայրենիքից։ Ինչպես հաղորդում է Topskills Sports UK-ն, 34-ամյա ֆուտբոլիստի ծառայություններով ակտիվորեն հետաքրքրված է ՄԼՍ-ը ներկայացնող «Ցինցինատին»։

Աղբյուրի տեղեկություններով՝ ամերիկյան ակումբի ներկայացուցիչներն արդեն նախնական քննարկումներ են սկսել բրազիլացի աստղի ներկայացուցիչների հետ։ Այնուամենայնիվ, «նարնջակապույտների» ղեկավարության կազմում դեռևս միասնական կարծիք չկա այն հարցի շուրջ, թե արդյոք արժե արդարացված ռիսկի դիմել և պայքարել այս տրանսֆերի համար։ Նշենք, որ Նեյմարի գործող պայմանագրի ժամկետը «Սանտոսի» հետ նախատեսված է մինչև ընթացիկ տարեվերջ: Transfermarkt-ը նրա տրանսֆերային արժեքը ներկայումս գնահատում է 10 միլիոն եվրո։

Ընթացիկ մրցաշրջանում 34-ամյա հարձակվողը «Սանտոսի» կազմում մասնակցել է 6 հանդիպման` դառնալով 3 գոլի և 3 գոլային փոխանցման հեղինակ։

Հայ Ազգային Կոնգրեսը հայտարարություն է տարածել.

«Հայ Ազգային Կոնգրեսը բոլոր անհրաժեշտ ջանքերը գործադրեց Սամվել Կարապետյանի ղեկավարած «Ուժեղ Հայաստանի» հետ գալիք ընտրություններում ազգակործան ռեժիմի դեմ մեծ դաշինք ստեղծելու նպատակով:

Դրսևորել ենք առավելագույն ճկունություն, դաշինքի ստեղծման համար որեևէ նախապայման չդնելով: Մեզանից անկախ պատճառներով, այդ դաշինքը չկայացավ:

Հայ Ազգային Կոնգրեսը, հետևաբար, կմասնակցի ընտրություններին առանձին` միևնույն ժամանակ պատրաստ լինելով համագործակցել ինչպես «Ուժեղ Հայաստանի», այնպես էլ քաղաքական այլ ընդդիմադիր ուժերի հետ և´ ընտրական ժամանակաշրջանում, և´ընտրություններից հետո խորհրդարանում  կոալիցիա կազմելու և երկիրը վերահաս սպառնալիքներից փրկելու գործում»:

Ամերիկյան «Օրիոն» տիեզերանավը, որն «Արտեմիս 2» առաքելության շրջանակում լուսնի շուրջը թռիչք է կատարել, վերադառնում է Երկիր՝ հաղթահարելով ճանապարհի կեսից ավելին, հայտնում է NASA-ն: Ամերիկյան տիեզերական գերատեսչության տվյալներով՝ ներկայում տիեզերանավը՝ անձնակազմի չորս անդամով, գտնվում է մոլորակից մոտ 160 հազար կմ հեռու:

«Օրիոնը» պետք է վայրէջք կատարի ուրբաթ Կալիֆոռնիայի Սան Դիեգո քաղաքի մոտակայքում: Լուսին թռիչքն ու վերադարձը կտևի 10 օր:

«Օրիոն» տիեզերանավը արձակվել է SLS ծանր հրթիռակրի օգնությամբ՝ Ֆլորիդայի Քեյփ Կանավերալ հրվանդանի տիեզերակայանից՝ անցյալ չորեքշաբթի: